பொட்டாசியம் ஊட்டச்சத்தாக பயன்படுத்தப்படும் சர்க்கரை ஆலை சாம்பல்

பொட்டாசியம் ஊட்டச்சத்தாக பயன்படுத்தப்படும் சர்க்கரை ஆலை  சாம்பல்...

• PDM என்பது Potash Derived from Molasses என்பதாகும். 

• சர்க்கரை ஆலைகளில் இருந்து வெளியேற்றப்படும் Molasses ஐ பயன்படுத்தி எத்தனால் உற்பத்தி செய்யப்படும் பொழுது அதிக அளவிலான கழிவுநீர் வெளியேற்றப்படுகிறது. 

• இந்த கழிவு நீர் போதுமான அளவு ஊட்டச்சத்துக்களை உள்ளடக்கியதாக இருப்பதால் இதனை அதிக வெப்ப நிலைக்கு உட்படுத்தி சாம்பல் உற்பத்தி செய்யப்படுகிறது. 

• இந்த சாம்பலில் போதுமான அளவு பொட்டாசியம் சத்து நிறைந்திருப்பதால் இதனை இயற்கை விவசாயத்திற்கு பயன்படுத்தலாம். 

• சுமார் 14.5% பொட்டாசியம் சத்து நிறைந்த இந்த சாம்பல் ரசாயன உரங்களுக்கு மாற்றாக கருதப்படுகிறது. 

• இந்த சாம்பலை இயற்கை விவசாயத்தில் உரமாக பயன்படுத்த மத்திய அரசும் சர்க்கரை தொழிற்சாலைகளுக்கு மானியம் வழங்குகிறது.

• பொட்டாசியம் ஊட்டச்சத்து தவிர சிறிதளவு கால்சியம் மற்றும் மெக்னீசியம் ஊட்டச்சத்தும் இதில் அடங்கியுள்ளது. 

• இதன் சராசரி ஈரப்பதம் அளவு சுமார் ஐந்து சதவீதத்திற்கு மேல் இருக்கும்.

இதன் நன்மைகள்:

• மறுசுழற்சி காரணமாக சர்க்கரை ஆலையில் இருந்து வெளியேற்றப்படும் கழிவுகள் உப பொருட்களாக மாற்றப்படுவதால் சுற்றுச்சூழல் மாசடைவது வெகுவாக தடுக்கப்படுகிறது. 

• ரசாயன உரத்திற்கு மாற்றாக திகழ்வதால் மண் தன்மை மேம்படுவதுடன், நீர் மற்றும் ஊட்டச்சத்து பிடிப்பு திறன், நன்மை செய்யும் நுண்ணுயிரிகளின் எண்ணிக்கை மேம்படும். 

• இதை பயன்படுத்துவதால் உற்பத்தி செலவினம் வெகுவாக குறையும். 

• பொதுவாக பொட்டாசியம் உரங்கள் இறக்குமதி செய்யப்படுவதால் நாட்டின் இறக்குமதி செலவினம் குறையும்.

• பயிர்களில் பூ பிடிப்பு மற்றும் காய்ப்பு திறன் மேம்படுவதால் உயிர் விளைச்சல் பெறலாம். 

• இதன் சராசரி விலை  கிலோ ஒன்றுக்கு ரூபாய் 10 ஆகும். 

• மண் தன்மை மற்றும் பயிருக்கு ஏற்றவாறு ஏக்கருக்கு சுமார் 200 முதல் 250 கிலோ பயன்படுத்தலாம்.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp whatsapp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

வாழை சாகுடியில் கால்சியம் ஊட்டச்சத்து பற்றாக்குறையின் அறிகுறி மற்றும் சரி செய்யும் வழிமுறை

    வாழை பயிருக்கு தேவைப்படும் பிரதான ஊட்டச்சத்துக்களில் கால்சியமும் ஒன்று. வாழை பயிர் அதிகளவு விரும்பி எடுத்துக் கொள்ளக்கூடிய ஊட்டச்சத்துக்களில் சாம்பல் சத்து முதலிடத்திலும் அதற்கு அடுத்தபடியாக தழைச்சத்து, கால்சியம் மற்றும் மெக்னீசியம் திகழ்கிறது. எனவே வாழை பயிரில் கால்சியம் ஊட்டச்சத்தின் முக்கியத்துவத்தை பற்றி விரிவாக பார்ப்போம்.

ஏன் கால்சியம் ஊட்டச்சத்து பற்றாக்குறை ஏற்படுகிறது:

• போதுமான அளவு கால்சியம் சத்து கொடுக்காமல் இருத்தல் 

• மண்ணின் அமிலத்தன்மை 

• அதிகளவு தழைச்சத்து, சாம்பல் சத்து மற்றும் மெக்னீசியம் இடுதல் 

• மிகைப்படியான மண் ஈரப்பதம்

• தண்ணீர் பற்றாக்குறை போன்ற பல்வேறு காரணங்கள் உள்ளன 

பற்றாக்குறை அறிகுறிகள்:

• கால்சியம் ஊட்டச்சத்து பயிரில் அதிகம் கடந்து செல்லாததால் நுனி பகுதியில் இதன் பற்றாக்குறை அறிகுறி காணப்படும். 

• இளம் இலைகள் போதுமான வளர்ச்சி இன்றி காணப்படும் இதனால் இலைகள் சிறிதாக இருக்கும். 

• குருத்து கிளைகள் சரியாக பிரியாமல் ஒழுங்கற்று காட்சியளிக்கும் சில நேரங்களில் குச்சி போன்று காணப்படும்.

• இலை விளிம்புகள் பலவீனம்  இல்லாமலும், சுருண்டு ஒழுங்கற்று காணப்படும். 

• இலைகள், இலை காம்புகள் மற்றும் இலை நரம்பு பகுதி எளிதில் உடைந்து விடும்.

• காய்கள் சிறுத்து காணப்படும். எளிதில் வெடிப்புகள் தோன்றும்.

மேலாண்மை முறைகள்:

• மண்ணின் கார அமிலத்தன்மை கால்சியம் ஊட்டச்சத்து கிடைப்பதற்கு முக்கிய பங்கு வைக்கிறது. 6-7.5 உகந்தது. 

• தேவையின் அடிப்படையில் சுண்ணாம்பு கரைசல் தயார் செய்து விடலாம்.

• மண் பரிசோதனை அடிப்படையில் தேவையான அளவு கால்சியம் ஊட்டச்சத்து இடவும். 

• இலை வழி ஊட்டத்திற்கு கால்சியம் நைட்ரேட் ஏக்கருக்கு ஒரு கிலோ வீதம் தெளிக்கலாம். சொட்டுநீர் பாசனம் வழியாக விடுவதற்கு 200 மீட்டர் தண்ணீர் மூன்று கிலோ கலந்து விடலாம். 

• போதுமான அளவு மக்கிய தொழு உரம் இடுதல், முறையான நீர்ப்பாசனம் மற்றும் சமச்சீர் உர நிர்வாகம் கால்சியம் ஊட்டச்சத்தை கிடைப்பதை உறுதி செய்யும்.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp whatsapp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

மண்ணின் அமிலத்தன்மை எவ்வாறு பயிர் விளைச்சலை பாதிக்கிறது

மண்ணின் அமிலத்தன்மை எவ்வாறு பயிர் விளைச்சலை பாதிக்கிறது:

• பொதுவாக மண்ணின் கார அமிலத்தன்மை பயிர்களுக்கு கிடைக்கும் ஊட்டச்சத்துக்களை நிர்ணயம் செய்கிறீர்கள்.

• அதிக கார அல்லது அமிலத்தன்மை நிறைந்த மண்ணில் ஊட்டச்சத்துக்கள் இருந்தாலும் பயிர்களுக்கு ஏற்ற வடிவிலும் எளிதில் எடுத்துக் கொள்ள முடியவில்லை.

• மண்ணின் அமில காரத் தன்மை 5.5 முதல் 7.5- 8 வரை இருக்கக்கூடிய மண்ணில் பெரும்பான்மையாக முதன் நிலை, இரண்டாம் நிலை ஊட்டச்சத்துக்கள்  மற்றும் நுண்ணூட்டச் சத்துக்களும் பயிர்களுக்கு எளிதில் கிடைக்கும் வடிவில் இருக்கும்.

• மண்ணின் அமில கார தன்மையை தவிர, மண்ணின் இறுக தன்மை, நன்மை செய்யும் நுண்ணுயிர்களின் எண்ணிக்கை, கரிம கார்பன் அளவு, மண் ஈரப்பதம் போன்ற பல்வேறு காரணிகள் ஊட்டச்சத்துக்கள் பயிர்களுக்கு கிடைக்கும் அளவை உறுதி செய்கிறது. 

• மண்ணின் அமிலத்தன்மை அதிகரிக்க அதிகரிக்க மண்ணில் இருக்கும் தீங்கு செய்யும் நுண்ணுயிரிகளின் பெருக்கம் அதிகரிக்கும்.

• இந்த நுண்ணுயிரிகள் நன்மை செய்யும் நுண்ணியகளுடன் போட்டி போட்டு இதற்கு தேவையான ஊட்டச்சத்துக்கள் தண்ணீர் போன்றவற்றை எடுத்துக் கொள்வதால் நன்மை செய்யும் நுண்ணுயிரிகளின் எண்ணிக்கை படிப்படியாக குறைய ஆரம்பிக்கும். 

• நாளடைவில் தீங்கு செய்யும் நுண்ணுயிரிகளின் எண்ணிக்கை மேம்பட்டு காணப்படுவதால் எளிதாக பயிர்களில் நோய் தாக்குதல் காணப்படுவதுடன் மண்ணில் இருக்கக்கூடிய ஊட்டச்சத்துக்களை பயிர்களுக்கு ஏற்றவாறு மாற்றித் தர போதுமான நுண்ணுயிரிகள் இல்லாமல் இருக்கும். 

• இதனால் எளிதில் ஊட்டச்சத்து குறைபாடு மற்றும் நோய் தாக்குதலை காண இயலும். 

• இது மட்டும் இன்றி, மண்ணின் அமிலத்தின் மேல் எளிதாக கால்சியம், மெக்னீசியம், பாஸ்பரஸ் மற்றும் சில நுண்ணூட்ட சத்துக்களை பயிர்கள் எடுத்துக்கொள்ள இயலாத வடிவில் மாற்றி மண்ணில் நிலை நிறுத்தி வைத்து விடும். இந்த ஊட்டச்சத்துக்களை பயிர்களுக்கு ஏற்ற வடிவில் மாற்ற நாம் உரிய நடவடிக்கை எடுக்க வேண்டும். 

• மிக முக்கியமான நோய்கள் அதிக அமிலத்தன்மை உடைய மண்ணில் வரக்கூடியது - வேர் அழுகல், கழுத்து அழுகல், வாடல் நோய் பூஞ்சை மற்றும் பாக்டீரியாக்கள் மூலம் ஏற்படக்கூடியது மற்றும் இதர. இது போன்ற சூழ்நிலையில் நாம் மேற்கொள்ள வேண்டிய நடவடிக்கையில் மிக முக்கியம்.

அதன் விவரம் கீழ்க்கண்டவாறு:

• அளவுக்கு அதிகமான மக்கிய உரங்கள் அல்லது மண்புழு உரங்களை இடவேண்டும். இது மண்ணில் அங்கக கார்பனை அதிகப்படுத்தும். இது நன்மை செய்யும் நுண்ணுயிரிகள் வாழ்வதற்கு ஏற்றதாகவும் ஊட்டச்சத்துக்களை கொடுப்பதாகவும் அமையும். 

• இது மண் இறுக்கத்த தன்மையை தளர்த்தி வேர் வளர்ச்சியை அதிகரிக்கும், இதன் மூலம் பயிர்கள் சூழ்நிலையை தாங்கி வளரும் தன்மையை பெறும்.

• நன்மை செய்யும் உயிர் உரங்கள், பூஞ்சான கொல்லிகள் மற்றும் பூச்சிக்கொல்லிகள் ஆகியவற்றை தொடர்ச்சியாக மண்ணில் கொடுத்து வர வேண்டும். 

• இது படிப்படியாக மண்ணில் இருக்கக்கூடிய தீமை செய்யும் நுண்ணுயிரிகளை அழித்து மண்ணின் அமிலத்தன்மையை மாற்ற உதவி புரியும். 

• தேவையின் அடிப்படையில் மாற்றுப் பயிர் இடுதல், பசுந்தாள் உர பயிர்களை சாகுபடி செய்து மடக்கி உழுதல், ஈயம் கரைசல் மற்றும் வேஸ்ட் டீ கம்போசர் பயன்படுத்துதல் போன்றவற்றை முயற்சி செய்யலாம். 

• பயிர்களில் ஊட்டச்சத்து குறைபாடு தென்படும் பொழுது உடனடியாக இலை வழியாக ஊட்டச்சத்துக்களை கொடுக்கலாம்.

• இது போன்று பல்வேறு வழிமுறைகள் உள்ளன அவற்றை நாம் வசதிக்கு ஏற்றவாறு பின்பற்றி மண் தன்மையை மேம்படுத்தலாம்.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

பயிர் சாகுபடியில் நன்மை செய்யும் நுண்ணுயிரிகளின் செயல்பாடுகள்

• மண் வளமே மனித வளம் என்பது நிதர்சனமான கூற்று இதில் எவ்வித மாற்றக் கருத்தும் கிடையாது. கைப்பிடி மண்ணில் எண்ணற்ற நுண்ணுயிரிகள் வாழ்கிறது. பொதுவாக இவற்றை நன்மை மற்றும் தீமை செய்யும் நுண்ணுயிரிகள் என இரண்டாக பிரிக்கலாம். 

• முறையற்ற உர மேலாண்மை யுக்திகள், ரசாயன மருந்து பயன்பாடு, தட்பவெப்ப சூழ்நிலை, மண்ணின் தன்மை மற்றும் கார அமிலத்தில் மாறு படுதல் போன்ற பல்வேறு காரணங்களால் மண்ணில் இருக்கக்கூடிய நன்மை செய்யும் நுண்ணுயிர்களின் எண்ணிக்கை வெகுவாக குறைந்து வருகிறது.

• விவசாயத்தில் இந்த நன்மை செய்யும் நுண்ணுயிரிகளில் பயன்கள் என்னவென்று விரிவாக இந்த பதிவில் பார்ப்போம்.

ஊட்டச்சத்துக்களை கிடைக்கச் செய்தல்:

• அசோஸ்பைரில்லம், ரைசோபியம், அசட்டோபாக்டர் போன்ற நுண்ணுயிரிகள் வளிமண்டலத்தில் இருக்கக்கூடிய நைட்ரஜனை மாற்றி தலைச்சத்தாக மண்ணில் நிலை நிறுத்தி  தருகிறது.

• இதனால் 20% தழைச்சத்து தேவை இயற்கையாகவே நாம் பூர்த்தி செய்து விடலாம்.

• இதேபோன்று மண்ணில் பயிர்களுக்கு கிடைக்காத வண்ணம் இருக்கும் மணிச்சத்தை பயிர்களுக்கு ஏற்றவாறு கிடைக்கச் செய்வதும் நன்மை செய்யும் நுண்ணுயிரி யான பாஸ்போபாக்டீரியா ஆகும்.

• இந்த பாக்டீரியா மண்ணில் பல்கி பெருகும் பொழுது இதனால் வெளியிடப்படும் ஆர்கானிக் ஆசிட் மூலக்கூறுகள் மண்ணில் அலுமினியம், இரும்பு, கால்சியம் போன்ற சத்துக்களுடன் பிணைந்து இருக்கும் மணி சத்தை பிரித்து பயிர்களுக்கு கொடுக்கிறது. இதன் மூலம் 20 முதல் 40 சதவீதம் வரை மணிச்சத்து தேவையை வெகுவாக குறைக்கலாம்.

• வேம் பூஞ்சை போன்ற நுண்ணுயிரிகள் பயிர்களில் காணப்படும் வேர்களின் எண்ணிக்கையை அதிகப்படுத்துவதுடன்,  அதன் நீளம் மற்றும் சல்லி வேர்களின் எண்ணிக்கை ஆகியவற்றை அதிகரிப்பதால் பயிர்கள் நீர் மற்றும்  ஊட்டச்சத்துக்களை எடுத்துக்கொள்ளும் திறன் மேம்படுகிறது. 

• இது மட்டும் இன்றி வறட்சியை தாங்கி வளர்தல் நோய் மற்றும் பூச்சி தாக்குதலை தாங்கி வளர்தல் போன்ற பண்புகளும் காணப்படும்.

நோய் மற்றும் பூச்சி கட்டுப்பாடு:

• மண்ணில் இருக்கும் நன்மை செய்யும் நுண்ணுயிரிகள் பல்வேறு நோய் பூஞ்சை மற்றும் பூச்சி காரணிகளை அழித்து பயிர்களை பாதுகாக்கிறது. 

• நுண்ணுயிரிகள் நோய் காரணிகளுக்கு எதிராக இடம் மற்றும் ஊட்டச்சத்துக்களை கிடைக்க விடாமல் செய்வதாலும், 

• தீமை செய்யும் நோய் காரணிகளுக்கு எதிராக நோய் எதிர்ப்பு காரணிகளை உற்பத்தி செய்வதன் மூலமாகவும் நோய் மற்றும் பூச்சி தாக்குதலை குறைக்கலாம். 

• இதை தவிர இதை மறைமுகமாக பயிர்களில் நோய் எதிர்ப்புத் தன்மையை ஏற்படுத்தியும் உதவி புரிகிறது.

• வளமான மண்ணில் இருக்கக்கூடிய நன்மை செய்யும் நுண்ணுயிரிகளினால் சுமார் 15% முதல் 25% வரை நோய் தாக்குதல் குறைந்து காணப்படும்.

மண் தன்மையை மேம்படுத்துதல் ..

• பயிர்களுடன் வேர்ப்பகுதியில் இணைந்து வாழும் வேம் போன்ற மைக் கோரைசா போன்ற நுண்ணுயிரிகள் ஒரு சில திரவங்களை வெளியிடுவதன் மூலம் மண் தன்மை மேம்படுகிறது. 

• இதன் மூலம் மண்ணின் நீர் மற்றும் ஊட்டச்சத்து பிடிப்பு திறன் 20 சதவீதம் வரை அதிகரிக்கும். 

• மண்ணிற்கு பொலபொலப்பு தன்மையை கொடுத்து வேறு வளர்ச்சி அதிகப்படுத்தி ஒட்டுமொத்த பயிர் வளர்ச்சி மேம்படுத்தும்.

மக்க வைத்தல்:

• மண்ணில் காணப்படும் இயற்கை கழிவுகளை அல்லது பயிர்க் கழிவுகளை மக்க வைக்கிறது. 

• இதனால் மண்ணில் கரிம கார்பன் மற்றும் இதர ஊட்டச்சத்துக்கள் அதிகரிக்கிறது.

• இது மட்டும் இன்றி மண் கட்டிகளை உடைப்பதன் மூலம் பயிர் வளர்ச்சி நன்றாக காணப்படும். 

இதர பணிகள்:

• உயிர் உரங்கள் மற்றும் பூச்சிக்கொல்லிகளை பயன்படுத்தும்பொழுது ரசாயன பயன்பாடு வெகுவாக குறைகிறது இதனால் சுற்றுச்சூழல் பாதிப்படைவது குறைகிறது மேலும் நிலத்தடி நீர் ரசாயனம் கலக்காமல் பாதுகாக்கப்படும். 

• தொடர்ச்சியான பயன்பாட்டின் பொழுது மண்ணில் இருக்கக்கூடிய கன உலோகங்களை படிப்படியாக கரைத்து மண்ணை விட்டு நீக்குகிறது.

• நன்மை செய்யும் நுண்ணுயிரிகள் வளர்ச்சி உருக்கிகளையும் பயிர்களுக்கு கொடுக்கிறது 

• மண்ணின் கார அமில தன்மையை நடுநிலை படுத்துவதற்கு உதவி புரிகிறது. 

• பல்வேறு அமினோ அமிலங்கள் பயிர்களுக்கு அளிக்கிறது. 

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன் பெறலாம்.https://chat.whatsapp.com/Ijj6PLZ6L5a1lJJyhTc5jX

பயிர் சாகுபடியில் உரப்பயன்பாட்டுத் திறனை மேம்படுத்தும் வழிமுறைகள்

    பயிர் வளர்ச்சிக்கு தேவையான ஊட்டச்சத்துக்களை உரங்கள் மூலம் கொடுக்கும் பொழுது, அது எந்த அளவுக்கு பயிர்களால் எடுத்துக் கொள்ள முடிகிறது என்பது மிக முக்கியம். ஆரோக்கியமான பயிர் வளர்ச்சி, மகசூல் திறன் மற்றும் உற்பத்தி செலவு இதை அடிப்படையாக கொண்டு வேறுபடும். 

• மண் பரிசோதனை அடிப்படையில் சரிவிகித அடிப்படையில் உரம் இடுதல் வேண்டும்.

• பயிர்களுக்கு தேவையான ஊட்டச்சத்துக்களை தேவையான வடிவில் கொடுக்கும் பொழுது உரங்கள் வீணாவதை தவிர்த்து சாகுபடி செலவை வெகுவாக குறைக்கலாம்.

• மண்ணின் கார அமிலத்தன்மைக்கு ஏற்றவாறு உரமிடுதல் அவசியம். அதாவது காரத்தன்மை உடைய மண் வகைகளுக்கு அதிக அமில உரங்களையும், அமிலத்தன்மை உடைய மண்ணுக்கு காரத்தன்மை உடைய உரங்களை இடவேண்டும். 

• மணி சத்து மற்றும் சாம்பல் சத்து உரங்களை அடி உரமாக இடுதல் அவசியம். ஏனெனில் இந்த உரங்கள் கரைவதற்கு போதுமான ஈரப்பதம் மற்றும் கால அவகாசம் தேவைப்படும். 

• அடி உரமாக இடும்பொழுது உரங்கள் குறைந்தபட்சம் மூன்று முதல் நான்கு சென்டிமீட்டர் மண்ணுக்கு அடியில் செல்கிறதா என்பதை உறுதிப்படுத்த வேண்டும். 

• அவர் இல்லையெனில் மேலோட்டமாக இருக்கும் உரங்கள் ஆவியாதல் மூலம் வீணடிக்கப்படுவதுடன் அதிக களை வளர்ச்சியை ஊக்கப்படுத்தும்.

• பயிர் வளர்ச்சிக்கு ஏற்றவாறு உரிய தருணத்தில் அதாவது பயிர்கள் விரும்பி ஊட்டச்சத்துக்களை எடுத்துக்க கூடிய வேலையில் போதுமான அளவு ஊட்டச்சத்துக்களை கொடுப்பதன் மூலம் அதன் பயன்பாட்டுத் திறன் அதிகரிக்கும். 

• தழைச்சத்து உரங்களை இரண்டு அல்லது மூன்றாக பங்காக பிரித்து, ஒரு பங்கை அடி உரம் ஆகவும் மேல் உரமாக பிரித்து கொடுக்க வேண்டும்.

• உரம் இட்டு பிறகு போதுமான அளவு நீர் விட வேண்டும் இதன் மூலம் ஊட்டச்சத்துக்களை பயிர்களுக்கு எளிதில் கிடைக்கச் செய்யலாம். ஆனால் நீர் தேங்கி இருப்பதை தவிர்க்க வேண்டும்.

• மேல் உரமாக இடும் பொழுது களைகளை அகற்றிவிட்டு போதுமான அளவு உரம் பயிரின் தண்டு பகிர்ந்து சற்று விலகி இட வேண்டும். மேலும் இந்த உரங்கள் மண்ணால் மூடப்பட வேண்டும் என்பதையும் கவனத்தில் கொள்ள வேண்டும்.

• ஊட்டச்சத்துக்களை மெதுவாக கொடுக்கக்கூடிய உரங்களை பயன்படுத்தலாம் உதாரணத்திற்கு வேம்பு பூசப்பட்ட யூரியா.

• நீண்டகால அடிப்படையில் போதுமான அளவு ஊட்டச்சத்துக்கள் மண்ணில் இருப்பதை உறுதி செய்ய தொடர்ச்சியாக மக்கிய தொழு உரம் அல்லது பசுந்தாள் உரங்களை பயன்படுத்த வேண்டும்.

• சாகுபடி செய்யப்படும் பயிர்களுக்கு ஏற்றவாறு நுண்ணூட்ட உரங்களை அடி உரமாக அளிக்க வேண்டும். 

மேலும் தகவல் மற்றும் சந்தேகங்களுக்கு இணைப்பு கண்டுள்ள WhatsApp  குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

தென்னையில் மெக்னீசியம் ஊட்டச்சத்தின் பயன்களும் குறைபாட்டு அறிகுறியும்

    தென்னை ஒரு பல்லாண்டு தாவரம் என்பதால் தொடர்ச்சியாக அதில் வேர் வளர்ச்சி, தண்டு வளர்ச்சி, இலை, பூ மற்றும் காய்கள் உற்பத்தி நடைபெற்று வரும். எனவே தென்னை சாகுபடியில் சரிவிகித அளவில் ஊட்டச்சத்துக்கள் கொடுக்கப்பட்டால் மட்டுமே மரங்கள் வளமாக இருப்பதுடன் விளைச்சலும் போதுமான அளவு காணப்படும். தென்னை மரங்களுக்கு அநேக ஊட்டச்சத்துக்கள் தேவைப்பட்டாலும் 

    அவற்றில் மிகவும் முக்கியமானதாக கருதப்படுவது சாம்பல் சத்து அதனைத் தொடர்ந்து தழைச்சத்து, கால்சியம், மெக்னீசியம், மணிச்சத்து  மற்றும் போரான் ஆகும். இதில் இரண்டாம் நிலை ஊட்டச்சத்தான மெக்னீசியம், தென்னை சாகுபடிக்கு எவ்வாறு மிகவும் இன்றியமையாதது என்பதை பற்றி விரிவாக காண்போம்.

தென்னையில் மெக்னீசியம் ஊட்டச்சத்தின் பணிகள்:

• இது பட்சையத்தின் ஒரு அங்கமாக திகழ்ந்து ஒளி, காற்று மற்றும் நீரை பயன்படுத்தி உணவு உற்பத்தி செய்கிறது.

• இலைகள் நன்கு செழித்து பச்சையாக காண்பதற்கு இதுதான் முதன்மை காரணம்.

• புரத உற்பத்தியில் முக்கிய பங்கு வகித்து செடிகளின் வளர்ச்சி மற்றும் உற்பத்திக்கு அடிப்படையாக திகழ்கிறது.

• தென்னையில் அதிகப் பெண் மலர்கள் தோன்ற இது காரணமாக திகழ்கிறது.

• பூ உதிர்வதை மட்டுப்படுத்தி அதிக காய்கள் உருவாவதற்கு துணை புரிகிறது.

• தேங்காய் எண்ணெயில் lecithin எனப்படும் மூலக்கூறை அதிகப்படுத்துகிறது. இந்த எண்ணெயை உணவு மற்றும் அழகு சாதன பொருட்கள் தயாரிக்கும் போது இதை மனிதர்களுக்கு நன்மை பயக்கும்.

இதன் இதர பணிகள்:

• மெக்னீசியம் ஊட்டச்சத்தை சரியான விகிதத்தில் தென்னை மரங்களுக்கு கொடுக்கும்போது நிலத்தில் இருக்கும் மற்றும் நாம் இடும் பொட்டாசியம் எனப்படும் சாம்பல் சத்தை எளிதில் செடிகளுக்கு கிடைக்க செய்கிறது.

• போதுமான அளவு மெக்னீசியம் சத்து கிடைக்கவில்லை எனில் மணி சத்துக்கள் செடிகளுக்கு சரியாக கிடைக்காது. இதனால் பூ பூத்தலில் பின்னடைவு ஏற்படும்.

• சரியான விகிதத்தில் கால்சியம் சத்து செடிகளுக்கு கொடுத்தால் தான் தழைச்சத்து, மெக்னீசியம் மற்றும் பொட்டாஸ் செடிகளுக்கு கிடைக்கப்பெறும்.

• போதுமான அளவுக்கு குளோரின் (chlorine) சத்து கிடைக்கப்பெறும் போது தான் வேர்கள் எளிதில் பொட்டாசியம் பாஸ்பரஸ் மற்றும் மெக்னீசியத்தை எடுத்துக் கொள்கிறது.

• இந்தக் காரணத்திற்காக தான் நான் தென்னம் பிள்ளைகளை நடவு செய்ய போதும் மற்றும் வருடத்திற்கு இரண்டு முறை உப்பு இட வேண்டும் என்று கூறுகிறோம்.

• இது மட்டுமின்றி கால்சியம் மற்றும் மெக்னீசியம்  சத்து செடிகளுக்கு போதுமான அளவு கிடைக்கவில்லை என்றால் செடிகளின் இரும்பு சத்து குறைபாடு தெளிவாக காணப்படும்.

மெக்னீசியம் ஊட்டச்சத்து குறைபாட்டின் அறிகுறிகள்:

• செடிகளின் அடி இலைகளில் திட்டு திட்டாக கருகியது அல்லது எரிஞ்சது போன்று காணப்படும்.

• முதன்மையாக இலைகளின் ஓரங்களில் வெளிர் பழுப்பு நிற பட்டைகள் தோன்றும்.

• இலைகளின் நுனிப்பகுதி முழுமையாக காய்ந்த நிலையில் காணப்படும்.

• செடிகளில் போதுமான உணவு உற்பத்தி நடைபெறாது வளர்ச்சி குன்றி காணப்படும்.

• இளம் வயதிலேயே செடிகளை பார்க்கும் போது வயதான செடிகள் போன்ற தெரியும்.

• அறிகுறிகள் நாளடைவில் இளம் இலைகளிலும் தென்படும்.

• பார்ப்பதற்கு சாம்பல் சத்து பற்றாக்குறை அறிகுறிகள் போன்றே காணப்படும்.

மேலும் விவரங்களுக்கு இணைப்பில் கண்டுள்ள  WhatsApp குழுவில் இணைந்து பயன்பெறலாம்.  https://chat.whatsapp.com/Ijj6PLZ6L5a1lJJyhTc5jX

வாழை பயிருக்கு தேவைப்படும் பிரதான ஊட்டச்சத்துக்களும் அதன் குறைபாட்டு அறிகுறிகளும்

• வாழை சாகுபடியில் ஊட்டச்சத்து மேலாண்மை என்பது மிகவும் இன்றியமையாதது ஏனெனில் வாழை மரங்கள் அதிக அளவு ஊட்டச்சத்துக்களை எடுத்துக்கொண்டு வளமான மகசூலை கொடுக்க வல்லது.

• வாழைப்பயிர் ஒரு குறிப்பிட்ட தருணத்தில் கிடைக்க பெறும் சூரிய ஒளி மற்றும் ஊட்டச்சத்துக்களை பயன்படுத்தி வளர்ச்சியை துரிதப்படுத்தி அதிகளவு மகசூலை தரவல்லது. எனவே மண் பரிசோதனை அடிப்படையில் சரிவிகித ஊட்டச்சத்து மேலாண்மை சிறந்த மகசூல் காண அடிப்படையாக திகழ்கிறது. 

• வாழை பயிருக்கு பிரதானமாக தேவைப்படும் ஊட்டச்சத்துக்கள் குறைபாட்டால் ஏற்படும்  அறிகுறிகளை நாம் தெரிந்து கொள்ள வேண்டியது மிகவும் அவசியம். 

சாம்பல் சத்து (பொட்டாசியம்):

• வாழை தார்களில் உள்ள காய்களின் எண்ணிக்கை, அளவு, தரம் ஆகியவற்றை நிர்ணயிக்கிறது.

• வாழைமரம் சரியான நேரத்தில் பூ பிடித்து தார் விடுவது பொட்டாசியத்தை பயன்படுத்தி தான்.

• இதன் குறைபாட்டால் இலையின் விளிம்புகள் மஞ்சள் நிறமாக மாறி நாளடைவில் கருகுதல், இலையில் கிழிதல், இலைகள் பாதியில் உடைந்து தொங்குதல், வாழைத்தார்கள் சிறிதாக இருத்தல், தார்களில் பழங்களின் எண்ணிக்கை குறைவாக இருத்தல் என பல அறிகுறிகளை வெளிப்படுத்தும்.

• 

தழைச்சத்து:

• உடலும் உயிரும் போன்று தழைச்சத்து தான் பயிரின் ஒட்டுமொத்த வளர்ச்சிக்கு ஆதாரம்.

• வாழைப் பயிரை பொறுத்த வரையில் முதல் ஐந்து மாதங்களில் போதுமான வளர்ச்சியை அடைய வேண்டும் இல்லையெனில் கண்டிப்பாக மகசூல் பின்னடைவு ஏற்படும். 

• அடி இலைகள் மஞ்சள் நிறமாக மாறுதல் இதன் குறைபாட்டின் பிரதான அறிகுறி

• போதுமான வளர்ச்சி இன்மை, குறைந்த எண்ணிக்கையிலான இலைகள், தண்டுப் பகுதியில் நிறம் மாற்றம் ஆகியவை தழைச்சத்து குறைபாட்டின் இதர அறிகுறிகளாகும். 

மெக்னீசியம்:

• தண்டுப் பகுதியில் காணப்படும் இலை உறை சற்று விலகி காணப்படுதல் இதன்  குறைபாட்டு அறிகுறி.

• வாழை மரத்தின் அடி இலைகளில் திட்டு திட்டாக மஞ்சள் நிற மாற்றத்தை காண இயலும். இதில் கவனிக்க வேண்டியது என்ன என்றால் இந்த ஊட்டச்சத்தின் குறைபாடு பொட்டாசியம் மற்றும் மாங்கனிசு ஊட்டச்சத்து பற்றாக் குறையின் அறிகுறிகள் போன்றே காணப்படும்.

• இதை சிறிது சிறிதாக கொடுக்க வேண்டும். ஏனெனில் இதுதான் வாழை காய்களின் எடையை நிர்ணயிக்கிறது.

• பொட்டாசியம் உரத்தை அதிக அளவு கொடுத்தாலும் வாழை பயிரினால் இந்த ஊட்டச்சத்தை பயிர்களால் எடுத்துக் கொள்ள முடியாது.

கால்சியம்:

• மரத்தின் நுனி இலைகளில் மஞ்சள் நிற மாற்றம் காணப்படும். நாளடைவில் இது கருகியது போன்று காட்சியளிக்கும்.

• நுனி இலை போதுமான வளர்ச்சி இல்லாமல் குட்சி போன்று உருவாகும். 

• முதிர்ந்த காய்களில் கால்சியம் குறைபாட்டால் வெடிப்புகள் தோன்றலாம்.

போரான் (Boron):

• நுனி இலைகள் வெளிர் மஞ்சள் நிறமாக காட்சி அளிக்கும் சில நேரங்களில் நுனி இலைகள் ஒழுங்கற்று காணப்படுதல்

• நுனி இலைகள் உள்புறமாக வளைதல், நாளடைவில் இந்த இலைகளின் விளிம்புகளில் பழுப்பு நிறமாக மாறி பின்பு காய்ந்து விடும்.   நரம்புகளுக்கு இணையாக வெள்ளை நிற கோடுகள் இலையின் அடி புறத்தில் காணப்படலாம்.

• வேர் மற்றும் குருத்துப் பகுதியில் வளர்ச்சியை தூண்டுதல், பூ மற்றும் காய் பிடித்தலில் பிரதான பங்கு வகித்தல் ஆகியவன போரான் ஊட்டச்சத்துக்களின் பிரதான பணிகள் ஆகும்.

மாங்கனிசு (Manganese):

• மாங்கனிசு ஊட்டச்சத்து குறைபாட்டால் இளம் இலைகள் பச்சை நிறத்தில் இருந்து வெளிர் மஞ்சள் நிறத்தில் காட்சியளிக்கும்.

• நாளடைவில் இந்த இலைகளின் விளிம்புகளில் நிறமாற்றம் காணப்படும் அதாவது காய்ந்தது போன்ற அறிகுறி உருவாகும். 

• இலையின் விளிம்புகள் கீழ்நோக்கி சுருண்டு காணப்படும்

• இலைகளின் நுனிப்பகுதி ஆரம்ப நிலையில் ஊட்டச்சத்து குறைபாட்டு அறிகுறியை வெளிப்படுத்தும்.

துத்தநாகம் (Zinc):

• பயிர்களுக்கு போதுமான அளவு பச்சையத்தன்மையை கொடுத்து வளர்ச்சி மற்றும் விளைச்சலை மேம்படுத்த உதவி புரிகிறது. 

• துத்தநாகம் குறைபாட்டால் இளம் இலைகள் பச்சை நிறத்தில் இருந்து வெளிர் மஞ்சள் நிறமாக காட்சியளிக்கும். 

• குறிப்பாக நுனி இலைகளில் திட்டு திட்டாக மஞ்சள் நிற கோடுகள் போன்ற அறிகுறி குறிப்பிடத்தக்கது. 

மேலும் தகவல் மற்றும் சந்தேகங்களுக்கு இணைப்பில் கண்டுள்ள வாட்ஸ் அப் (WhatsApp) குழுவில் இணைந்து பயன் பெறலாம்...
https://chat.whatsapp.com/Ijj6PLZ6L5a1lJJyhTc5jX

இயற்கை முறையில் பயிர்களில் பூ பிடித்தலை ஊக்குவிக்கவும் வழிமுறைகள்

  இயற்கை முறையில் பயிர்களில் பூ பிடித்தலை ஊக்குவிக்கவும், பூ உதிர்வை தடுத்து காய் பிடித்தலை மேம்படுத்த பல்வேறு வழிமுறைகள் கடைபிடிக்கப்படுகிறது. அதில் ஒரு சில வழிமுறைகளை பற்றி இந்தப் பதிவில் விரிவாக பார்ப்போம்.

தேமோர் கரைசல்:

• தேங்காய் பால் மற்றும் புளித்த மோர் ஆகியவற்றின் கலவையை தேமோர் கரைசல் ஆகும்.

• இதனை தயாரிக்க மூன்று முதல் ஐந்து தேங்காய்களை அரைத்து அதை ஐந்து லிட்டர் கலவையாக மாற்ற வேண்டும்.

• அதேபோன்று ஐந்து லிட்டர் மோர் ஆகிய இரண்டையும் கலந்து மண்பானை அல்லது பிளாஸ்டிக் வாலியில் ஊற்றி வைத்து அதன் வாய் பகுதியை துணி வைத்து நன்கு கட்டிவிட வேண்டும்.

• சுமார் ஏழு நாட்களுக்குப் பிறகு இந்த கலவை நன்கு புளித்து விடும். இதிலிருந்து 500 மில்லி தேமோர் கரைசலை 10 லிட்டர் தண்ணீரில் கலந்து தெளிக்கலாம்.

• இந்த கரைசலில் இருக்கக்கூடிய பல்வேறு வகையான வளர்ச்சி ஊக்கிகள் பூ பிடித்தலை தூண்டுவதுடன் பூ உதிர்வையும் தடுத்து காய் பிடித்தலை அதிகரிக்கிறது.

அரப்பு மோர் கரைசல்:

• தேமோர் கரைசல் போன்ற அரப்பு மோர் கரைசல் தயாரிக்க இரண்டு கிலோ அரப்பு இலை அல்லது ஊசி இலை மரம் என்று அழைக்கப்படும் மரத்தின் இலையை சுத்தம் செய்து தேவையான அளவு தண்ணீர் கலந்து நன்கு அரைத்துக் கொள்ளவும். 

• இதனை ஐந்து லிட்டர் கரைசலாக தயார் செய்து ஐந்து லிட்டர் மோர் உடன் கலந்து ஏழு நாட்கள் நொதிக்க விட வேண்டும் பின்பு கரைசல் தயாராகிவிடும். 

எருக்கு கரைசல்:

• எருக்கு இலை, தண்டு மற்றும் பூ ஆகியவற்றை சுமார் ஐந்து கிலோ எடுத்துக்கொண்டு சிறு சிறு துண்டுகளாக வெட்டி அதனை 200 லிட்டர் தண்ணீரில் ஊற வைத்து ஐந்து நாட்கள் கழித்து வடிகட்டி இலை வழியாக தெளிக்கலாம்.

• மேம்படுத்தப்பட்ட இயற்கை கரைசல் தயாரிக்க சுமார் 20 லிருந்து 30 கிலோ எருக்கு இலைகள், மூன்று முதல் ஐந்து லிட்டர் கோமியம் மற்றும் நாட்டுச் சர்க்கரை கலந்து சுமார் ஒரு மாத காலம் வைத்திருந்து பின்னர் வடிகட்டி தெளிக்கலாம். 

இளநீர்:

• இளநீரில் அதிக அளவு வளர்ச்சி ஊக்கிகள் நிறைந்து இருப்பதால் இதனை தனிப்பட்ட முறையில் கூட பூ பிடித்தலை மேம்படுத்த இலை வழியாக தெளிக்கலாம்.

• இளநீர் அல்லது தேங்காய் தண்ணீரில் பல்வேறு வகையான ஊட்டச்சத்துக்கள் மற்றும் ஆக்ஸின், ஜிப்ரலின், சைடோகைனின் போன்ற வளர்ச்சி ஊக்கிகள் நிறைந்து இருப்பதால் பயிர்களுக்கு தெளிப்புதான் இது ஊட்டச்சத்து பொருளாகவும் பூப்பிடித்தலை ஊக்குவிக்கவும் உதவுகிறது. 

மேலும் தகவல் மற்றும் சந்தேகங்களுக்கு இணைப்பில் கண்டுள்ள வாட்ஸ் அப் (WhatsApp) குழுவில் இருந்து பயன் பெறலாம்...
https://chat.whatsapp.com/Ijj6PLZ6L5a1lJJyhTc5jX

எள் பயிருக்கு சல்பேட் உரம் இடுவதன் நன்மைகள்

முன்னுரை:

• சமையல் பயன்பாட்டிற்காக உலகிலேயே அதிக அளவு எண்ணெய் பயன்படுத்தும் நாடுகளில் இந்தியா முதலிடம் வகிக்கிறது இதனால் சமையல் மற்றும் இதர பயன்பாட்டிற்காக சமையலை எண்ணெய் தேவையின் அளவு அதிகரித்த வண்ணமாக உள்ளது. 
• இந்தியாவில் ஆண்டுக்கு சுமார் 25 மில்லியன் ஹெக்டர் நிலப்பரப்பில் எண்ணெய் வித்து பயிர்கள் சாகுபடி செய்யப்பட்டு வருவது குறிப்பிடத்தக்கது.
• எண்ணெய் வித்து பயிர்கள் சாகுபடியில் குறைந்த செலவில் அதிக லாபம் வழி நிறைய உள்ளது அதன் அடிப்படையில் சல்பர் (Sulphur) நுண்ணூட்ட சத்து இடுவதால் எண்ணெய் வித்து பயிர்களின் உற்பத்தியை எவ்வாறு அதிகரிக்கலாம் என்பதை இந்த பதிவில் விரிவாக பார்ப்போம்.

எள் பயிரில் சல்பர் ஊட்டச்சத்தின் முக்கியத்துவம்:

• மற்ற பயிர்களை விட எள் அதிக அளவு சல்பர் ஊட்டச்சத்தை விரும்பி எடுத்துக் கொள்ளக் கூடியது. ஏனெனில் இதை பயன்படுத்தி குறிப்பிட்ட சில அமினோ அமிலங்கள், பல்வேறு நொதித்தல் நிகழ்வுகள் மற்றும் புரத உற்பத்தி நிகழ்வை மேற்கொள்கிறது. 

• எள் பயிர் வறட்சியை தாங்கி வளரும் தன்மை உடையதால் குறைந்த அளவு ஆவியாதல் நிகழ்வை மேற்கொள்வதால் குறிப்பிட்ட அளவுகிரகித்துட்டச்சத்தமட்டுமே எடுத்துக் கொள்ள இயல்கிறது.

• எனவே தேவையான அளவு சல்பர் ஊட்டச்சத்தை நாம் கொடுக்கும் பொழுது இதன் வளர்ச்சி மற்றும் உற்பத்தி அதிகரிக்கிறது என பல ஆய்வுகளில் கூறப்பட்டுள்ளது.

• இந்த ஊட்டச்சத்து மண் தண்ணீர் உரம் மற்றும் காற்றில் இருந்து சிறிதளவு சல்பர் ஊட்டச்சத்தை சல்பேட் வடிவத்திலும் எடுத்துக் கொள்கிறது இருப்பினும் இது போதுமானதாக இல்லை. 

• இவ்வாறு கிடைக்க பெறும் சல்ஃபர் ஊட்டச்சத்து அமினோ அமிலங்கள் உற்பத்திக்கு போதுமானதாக இல்லாததால் புரத உற்பத்தி, எண்ணெய் உற்பத்தி மற்றும் பாதுகாப்பிற்காக செலவிடப்படும் சல்பர் போதுமானதாக இல்லை.

• போதுமான சல்பர் ஊட்டச்சத்து இதர ஊட்டச்சத்துக்களான தழைச்சத்து, மணிச்சத்து , சாம்பல் சத்து, இரும்புச்சத்து மற்றும் மாலிப்டினம் ஊட்டச்சத்துக்கள் கிடைப்பதை ஊக்கப்படுத்துகிறது.

சல்பர் ஊட்டச்சத்து குறைபாட்டின் அறிகுறிகள்: 

• குன்றிய பயிர் வளர்ச்சி 

• இலையின் வளர்ச்சி மற்றும் பரப்பளவு சற்று குறைந்து காணப்படும். 

• இளம் இலைகள் பச்சை நிறத்திலிருந்து வெளிர் மஞ்சள் நிறத்தில் காணப்படும்.

• நாளடைவில் இலைகள் விளிம்புகளில் இருந்து கருக ஆரம்பிக்கும்.

• இதனால் பூக்களின் எண்ணிக்கை மற்றும் காய்ப்பு திறன் குறையும். 

• ஒட்டு மொத்தத்தில் மகசூல் இழப்பீடு ஏற்படும். 

• எண்ணெய் அளவு சற்று குறைந்தே இருக்கும் தரத்திலும் சற்று பின்னடைவு காணப்படும். 

சல்பர் இடுவதன் நன்மைகள்:

• நல்ல பயிர் வளர்ச்சி 

• இலைகளின் எண்ணிக்கை மட்டும் இலை பரப்பளவு அதிகரித்து காணப்படும். 

• கிளைகளின் எண்ணிக்கை அதிகரித்து காணப்படுவதால் பூக்களின் எண்ணிக்கை அதிகரிக்கிறது.

• விதை பையின் நீளம் அதிகமாக இருப்பதால் அதிக விதை எண்ணிக்கை  காணப்படுகிறது. 

• ஒட்டுமொத்தமாக மகசூல் அதிகரிக்கும் மேலும் எண்ணெய் பிரித்தெடுக்கும் திறனும் அதிகமாக காணப்படும். 

• போதுமான அளவு சல்பர் ஊட்டச்சத்து கொடுப்பதால் நன்மை செய்யக்கூடிய அமினோ அமிலங்கள் அதிகமாக உற்பத்தி செய்து எண்ணெயில் தரம் மேம்பட்டு காணப்படும்.

சல்பர் தேவைப்படும் அளவு: 

இயற்கை அல்லது இரசாயன முறையில் சாகுபடி செய்பவர்கள் ஏக்கருக்கு 20 முதல் 25 கிலோ சல்பர் ஊட்டச்சத்து கிடைப்பதை உறுதி செய்தால் அதிக விளைச்சல் காண இயலும்.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

பயிர் சாகுபடியில் இரும்பு சத்து குறைபாடும் அதன் மேலாண்மையும்...

    பயிர் சாகுபடியில் நுண்ணூட்ட சத்துக்களின் முக்கியத்துவம் நாளுக்கு நாள் அதிகரித்து வருகிறது. மழைக்காலங்களில் காணப்படும் ஊட்டச்சத்து குறைபாடுகளில் பிரதானமாக இரும்பு திகழ்கிறது. பயிர்களுக்கு போதுமான அளவு பச்சயத்தை கொடுத்து அதன்மூலம் பயிர் வளர்ச்சி மற்றும் திடத்தன்மையை மேம்படுத்துகிறது. 

    இது மட்டும் இன்றி பல்வேறு நொதித்தல் நிகழ்வு மற்றும் புரத உற்பத்தியில் பிரதான பங்கு வகிக்கிறது. எனவே இதன் பற்றாக்குறையை கண்டறிந்து அதற்கு ஏற்றவாறு நடவடிக்கை எடுக்க வேண்டியது அவசியம்.

இரும்புச்சத்து பற்றாக்குறை ஏற்படுவதற்கான காரணங்கள்:

• மண்ணில் தொடர்ச்சியான ஈரப்பதம் அல்லது நீர் தேங்கி நிற்கும் பொழுது இரும்பு சத்து குறைபாடு ஏற்படும்.

• மண்ணின் கார அமிலத்தன்மை அதிகமாக இருத்தல்.

• மண் அல்லது பயிரில் பாஸ்பரஸ், காப்பர், மாங்கனிசு மற்றும் துத்தநாகம் அதிகமாக இருக்கும் பொழுது இரும்புச்சத்து பயிர்களுக்கு கிடைப்பதில்லை.

• பயிரில் நீண்ட நாட்களுக்கு வேர் வளர்ச்சி இல்லாமல் இருத்தல். 

• மண்ணில் அதிக அளவு நன்மை செய்யும் உயிரினங்கள் இருக்கும் பொழுது, அதற்குத் தேவையான சத்துக்கள் போக மீதி பயிர்களுக்கு கிடைப்பது அரிது எனவே பற்றாக்குறை ஏற்படும். 

• மணல் பாங்கான மண்ணில் அதிகளவு சத்துக்கள் தேக்கி வைக்க இயலாத நிலை காரணமாகவும், களிமண்ணில் அதிக பிடிப்பு திறன் காரணமாகவும் இரும்பு சத்து பற்றாக்குறை ஏற்படலாம்.

இரும்புச்சத்து பற்றாக் குறையின் அறிகுறிகள்: 

• பயிரின் இளம் இலைகளில் இதன் அறிகுறியை காண இயலும் குறிப்பாக பச்சை நிறத்தில் இருந்து மஞ்சள் நிறமாக மாறுதல். 

• மாறுதலடைந்த இலைகளில் இலை நரம்புகள் பச்சை நிறமாகவே காட்சியளிக்கும். 

• நாளடைவில் இந்த இலைகள் மேலும் அடர் மஞ்சள் நிறமாக மாறி அதன் விளிம்புகளில் கருகல் ஏற்படலாம்.

• சில நேரங்களில் இலை உதிர்வதை காணலாம்.

• குன்றிய பயிர் வளர்ச்சி, மகசூலின் அளவு மற்றும் தரத்தில் குறைபாடு போன்றவற்றையும் காணலாம்.

இதை எவ்வாறு சரி செய்யலாம்: 

• மண் பரிசோதனை அடிப்படையில் மண் மற்றும் பயிர்களுக்கு தேவையான ஊட்டச்சத்துக்களை சரிவிகித அடிப்படையில் கொடுத்து வர வேண்டும். 

• வயலில் போதுமான அளவு வடிகால் வசதி இருப்பதால் நீர் தேங்குவதை தவிர்க்கலாம். 

• மண்ணின் கார அமிலத்தன்மை சமநிலையில் அல்லது நடுநிலையாக இருப்பதை அவ்வப்போது உறுதிப்படுத்த வேண்டும். 

• ஒரே பயிரை தொடர்ந்து சாகுபடி செய்வதை தவிர்க்க வேண்டும். 

• மழைக்காலங்களில் இரும்பு சத்து குறைபாடு ஏற்படுவது பொதுவானது அதனை இலை வழி தெளிப்பு மூலம் சரி செய்து கொள்ள வேண்டும்.

• ஆரம்ப நிலை  பற்றாக்குறை அறிகுறிகளின் போது இரும்பு சல்பேட் ஊட்டச்சத்தை மண்ணில் இடலாம். 

• Chelated வடிவில் இருக்கும் இரும்பு சத்தை இலை வழியாக தெளித்தால் இதன் பற்றாக்குறை அறிகுறிகளை கட்டுப்படுத்தலாம்.

மேலும் தகவல் மற்றும் சந்தேகங்களுக்கு இணைப்பில் கொண்டுள்ள WhatsApp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

தென்னை டானிக் (Coconut Tonic) பயன்படுத்தும் முறையும் பயன்களும்...

தென்னை டானிக்:

• தென்னை பல்லாண்டு பயிர் என்பதால் ஊட்டத்து மேலாண்மையில் தனி கவனம் செலுத்த வேண்டும். மண் வளம் மற்றும் பயிரின் வயதிற்கு ஏற்றவாறு தேவையான ஊட்டச்சத்துககளை தேவையான நேரத்தில் கொடுத்து வர வேண்டும். காய்க்கும் பருவம் அல்லது காய்ப்பில் உள்ள தென்னை மரங்களுக்கு தேவையான ஊட்டச்சத்தை ஒரு வருடம் கொடுக்கவில்லை எனில் அதனால் ஏற்படும் மகசூல் இழப்பீட்டை அடுத்து வரும் 2-3 வருடங்களுக்கு காண இயலும்.தென்னையில் குரும்பை உதிர்வு என்பது இயற்கையானதாகவே கருதப்படுகிறது. 

• தென்னை மரத்தின் பாளையில் உற்பத்தி செய்யப்படும் பலநூறு பூக்கள் தென்னங்காயாக மாறுதல் அடைதல் என்பது இயற்கைக்கு மாறானது. இதனால் தென்னை மரங்கள் தனது சக்திக்கு/திறனுக்கு ஏற்றவாறு குரும்பைகளை தக்கவைத்துக் கொண்டு, இதர குரும்பைகளை உதிர செய்கிறது. உதிரக் கூடிய குரும்பைகளின் அளவை பொறுத்து இது இயற்கையானதா அல்லது ஊட்டச்சத்து பற்றாக்குறையா என்பதை கணிக்க இயலும். அதாவது சிறிய குரும்பைகள் உதிர்வதை அனுமதிக்கலாம். சற்று பெரிய குரும்பைகள் உதிர்வு என்பது ஊட்டச்சத்து பற்றாக்குறையே ஆகும்.

• இதனை எதிர்கொள்ள தமிழ்நாடு வேளாண்மை பல்கலைகழகம், தென்னை டானிக்கை உற்பத்தி செய்து தென்னை விவசாயிகளுக்கு குறைந்த விலையில் 2002-ஆம் ஆண்டு முதல் விற்பனை செய்து வருகிறது. பரிந்துரைக்கப்பட்ட உரங்களுடன் இந்த தென்னை டானிக்கை ஆறு மாதத்திற்கு ஒருமுறை என வருடத்திற்கு இரண்டு முறை வேர் வழியாக செலுத்த வேண்டும்.தென்னை டானிக் என்பது தென்னை பயிருக்கு தேவையான முக்கிய ஊட்டச்சத்துக்கள் மற்றும் வளர்ச்சி ஊக்கிகளையும் உள்ளடக்கியதாகும். இதில் நைட்ரஜன், பாஸ்பரஸ், பொட்டாசியம், மெக்னீசியம், மாங்கனீசு, துத்தநாகம், இரும்பு, போரான், மாலிப்டீனம் போன்ற ஊட்டச்சத்துக்களும், சாலிசிலிக் மற்றும் அஸ்கார்பிக் அமிலம் போன்ற வளர்ச்சி ஊக்கிகளும் நிறைந்துள்ளது.

தென்னை டானிக் வேர்வழி செலுத்தும் முறை:

    தென்னை மரத்தின் தண்டுப்பகுதியிலிருந்து சுமார் 2.5 முதல் 4 அடி தூரத்தில் 15-20 செ.மீ ஆழத்தில் உள்ள வெள்ளை அல்லது இளஞ்சிகப்பு நிற பென்சில் தடிமனுடைய ஊட்டச்சத்து வேர்களை தேர்வு செய்தல் வேண்டும்.தேர்வு செய்த வேரின் நுனி பகுதியை கத்தி அல்லது பிளேடு பயன்படுத்தி சாய்வாக சீவி எடுத்து விட்டு அதில் 200 மி.லி அளவுள்ள தென்னை டானிக் பாக்கெட்டினை இறுக்கமாக கட்டி விட வேண்டும்.அல்லது 40 மி.லி அளவு அடர் தென்னை டானிக் உடன் 160 மி.லி தண்ணீர் கலந்து மெல்லிய பாலிதின் பையில் நிரப்பி அதை வேரில் கட்டி விட வேண்டும்.தென்னை டானிக்கை வேர் வழியே உட்செலுத்தும் பொழுது மண்ணில் மிதமான ஈரப்பதமும், மரங்கள் அதிக நீர்த்தேவையுடனும் இருத்தல் வேண்டும்.தென்னை டானிக் அதிகபட்சமாக 48 மணி நேரத்தில் வேர்களால் முற்றிலுமாக உறிஞ்சிக்கொள்ளப்படும். ஒருவேளை டானிக் உறிஞ்சப்படவில்லை எனில் மாற்று வேரை தேர்வு செய்து கட்ட வேண்டும்.

பயன்கள்: 

• இலைகளில் பச்சையத்தின் அளவு அதிகரிக்கிறது.

• இதனால் ஒளிச்சேர்க்கை மற்றும் உணவு உற்பத்தியின் திறன் அதிகரிக்கிறது.

• வறட்சியை தாங்கி வளரும் தன்மையை பெறுகிறது.

• பாளைகளின் எண்ணிக்கை அதிகரிக்கிறது.

• குரும்பை உதிர்தல் குறையும்.

• காய்கள் பெரிதாகி பருப்பு நல்ல எடை உடையதாக இருக்கும்.

• விளைச்சல் 20 சதவீதம் அளவு அதிகமாகும்.

• பூச்சி மற்றும் நோய் தாக்குதல் அதிகமாக இருக்காது.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன்பெறலாம். https://chat.whatsapp.com/Ijj6PLZ6L5a1lJJyhTc5jX

பயிர் சாகுபடியில் ஒருங்கிணைந்த முறையில் உரம் இடுதல்...

• பொதுவாக பயிர் சாகுபடியில் இரண்டு வகையான முறையில் விவசாயிகள் ஊட்டச்சத்து மேலாண்மையை மேற்கொள்கின்றனர். 

• ஒன்று முழுக்க முழுக்க ரசாயன உரங்களை பயன்படுத்தி சாகுபடி செய்தல் மற்றொன்று முழுமையாக ரசாயன உரங்களை இடாமல் சாகுபடி செய்வது. தொடர்ச்சியாக இந்த இரண்டு முறையில் ஏதேனும் ஒரு முறையைப் பின்பற்றி வந்தால் கண்டிப்பாக பயிரின் சராசரி விளைச்சல்/ உற்பத்தி திறனை நம்மால் பெற இயலாது.

• எனவேதான் ஒருங்கிணைந்த முறையில் உரம் மேலாண்மையை கடைபிடிக்க வேண்டி பரிந்துரைக்கப்படுகிறது. 

• மிகவும் பொதுவான முறையில் ஒருங்கிணைந்த உர மேலாண்மையில் கவனிக்கப்பட வேண்டியது ஐந்து தொழில்நுட்பங்கள். 

பயிறு வகை பயிர்களை பயிரிடுதல்...

• நமது பகுதிகளில் பயிரிடப்படும் பயிர் வகை பயிர்களில் ஏதேனும் ஒன்றினை வருடம் ஒரு முறை தனிப் பயிராகவோ அல்லது ஊடுபயிராகவோ கண்டிப்பாக பயிரிட வேண்டும். 

• வளிமண்டலத்தில் உள்ள தழைச்சத்தை மண்ணில் இருக்கக்கூடிய நன்மை செய்யும் பாக்டீரியாக்கள் உடன் இணைந்து பயிர்களின் வேர்களில் நிலை நிறுத்துகிறது. 

• இதனால் ஏக்கருக்கு சுமார் ஒரு மூட்டை யூரியா இட்டது போன்ற சத்து கிடைக்கும், மண் தன்மையை மாற்றுகிறது, மண்ணில் இருக்கக்கூடிய நன்மை செய்யும் உயிரினங்களை பெருக்கத்தை தூண்டுகிறது, களை வளர்ச்சியை மட்டுப்படுத்துதல் என எண்ணற்ற பயனுள்ளது.

இயற்கை உரங்களை பயன்படுத்துதல்...

• எந்த ஒரு பயிர் சாகுபடியாக இருந்தாலும் இயற்கை உரங்களை இடுவது அடிப்படை. 

• இயற்கையாக கிடைக்கக்கூடிய கழிவுகள், பண்ணை கழிவுகள் , மக்குப் பொருட்கள், தொழு உரங்கள் என பல உள்ளது இவற்றை கண்டிப்பாக பயன்படுத்த வேண்டும். 

• இதனால் மண்ணின் கார அமிலத்தன்மை நிலை நிறுத்தப்படுதல், அனைத்து சத்துகளையும் கிடைக்க பெறுதல், மண் தன்மை மற்றும் அமைப்பு மாறுபடுதல், நீர் பிடிப்பு மற்றும் ஊட்டச்சத்து பிடிப்பு திறனை மேம்படுத்துதல், மண் ஊட்டச்சத்து சுழற்சியை உறுதி செய்தல் என எண்ணற்ற பயன்கள் உள்ளது.

ரசாயன உரங்களை பயன்படுத்துதல்...

• பெரும்பான்மையாக நாம் வீரிய ஒட்டு பயிர்களை பயிரிடுவதால், இதன் உணவு தேவை அதிகம் மேலும் வீரிய ஓட்டுக்களின் அடிப்படை முறையான பராமரிப்பு அதற்கேற்ற மகசூல் என்பதை ஆகும். 

• நாட்டு ரகம் அல்லது வீரிய ஒட்டு ரகம் எதுவாக இருந்தாலும் பயிர்களுக்கு தேவையான சத்துக்களை இயற்கை உரங்களால் முழுமையாக கொடுக்க முடியாது என்பதுதான் நிதர்சனமான உண்மை. 

• அதனாலதான் ரசாயன உரங்களை பரிந்துரைக்கப்பட்ட அளவில் தேவையின் அடிப்படையில் தேர்வு செய்து பயன்படுத்த வேண்டும். 

உயிர் உரங்களை பயன்படுத்துதல்...

• உயிர் உரங்கள் எந்தவித ஊட்டச்சத்துக் கொள்ளவும் பயிர்களுக்கு தருவதில்லை என்பது நாம் அறிந்ததே. 

• இருப்பினும் மண்ணில் இருக்கக்கூடிய மற்றும் நாம் இடக்கூடிய ஊட்டச்சத்துக்களை வீணடிக்காமல் பயிர்களுக்கு எடுத்து தர மட்டுமே உயிர் உரங்கள் பயன்படுத்தப்படுகிறது. 

• பாக்டீரியா, புஞ்சை மற்றும் பாசி வகை உயிர் உரங்களை பயன்படுத்துவதால் வளிமண்டல தழைச்சத்தை நிலை நிறுத்துதல், மணிச்சத்து மற்றும் சாம்பல் சத்தை கரைத்து பயிர்களுக்கு கிடைக்கச் செய்தல் மற்றும் நுண்ணூட்ட சத்தை கிடைக்க செய்தல் என்பது தான் இதன் அடிப்படை தொழில்நுட்பம்.

புண்ணாக்கு வகைகளை பயன்படுத்துதல்...

• சரிவிகித அடிப்படையில் ஊட்டச்சத்தை கொடுப்பதற்கும் மண்வளத்தை நிலையாக பேணுவதற்கும் இது உதவுகிறது. 

இது போன்ற வேளாண் தொடர்பான தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன்பெறலாம்...   https://chat.whatsapp.com/Ijj6PLZ6L5a1lJJyhTc5jX

தென்னையில் பென்சில் முனை சீர்குலைவிற்கான காரணங்களும் சரி செய்யும் வழிமுறைகளும்

     தென்னையில் பென்சில்முனை சீர்குலைவு என்பது  பல்வேறு காரணங்கள் ஒருங்கிணைந்து காணப்படுவதால் ஏற்படும் அறிகுறியாகும்.  இந்த வகை குறைபாடு 1970ஆண்டுகளிலிருந்து பல்வேறு நாடுகளில் பரவலாக காணப்பட்டு வந்தது. மாறிவரும் தட்பவெப்ப சூழ்நிலை, இயற்கை இடர்பாடுகள் மற்றும் பராமரிப்புக் குறைபாட்டினால் பென்சில்முனை சீர்குலை பாதிப்பு அதிகரித்த வண்ணமாகவே திகழ்கிறது.

    பென்சில்முனை சீர்குலைவிற்கான காரணங்கள்

• நாட்பட்ட ஊட்டச்சத்து பற்றாக்குறை குறிப்பாக மாங்கனீசு, துத்தநாகம், மெக்னீசியம், போரான், காப்பர், பொட்டாசியம் மற்றும் நைட்ரஜன்.

• பராமரிப்பற்ற வயதான மரங்கள் குறிப்பாக 60 வருடங்களுக்கு மேல் வயதுடைய மரங்கள். 

• தொடர்ச்சியான வறட்சி/நீர்பற்றாக்குறை

• நீண்ட நாட்களுக்கு வயலில் நீர் தேங்குதல்.

• மண்ணில் உயிர் கரிம கார்பன் பற்றாக்குறை.

• நுண்ணூட்ட சத்து பற்றாக்குறை.

• சமச்சீர் அற்ற முறையில் இரசாயன உரம் இடுதல்.

• முறையற்ற களை மேலாண்மை.

• தீவிர பயிர் சாகுபடி முறையை மேற்கொள்ளுதல், உதாரணத்திற்கு அடர் நடவு, ஊடுபயிர் இடுதல், கலப்பு பயிரிடுதல் மற்றும் இதர.

• நோய் மற்றும் பூச்சி தாக்குதல் .

    தென்னை மரங்களில் பென்சில் முனை சீர்குலைவானது மேலே குறிப்பிடப்பட்டுள்ள காரணங்களில் ஒன்றிற்கு  மேற்பட்ட காரணிகள் ஒருங்கிணைந்து நீண்ட நாட்களுக்கு காணப்படுவதால் உருவாகிறது.

பென்சில்முனை சீர்குலைவின் அறிகுறிகள்

• பாதிப்படைந்த மரங்களின் தண்டுப்பகுதி மேலே செல்ல  செல்ல தடிமன் குறைந்து நுனி சிறுத்தும் காணப்படுதல்.

• கொண்டைப்பகுதியில் பதினைந்திற்கும் குறைவான ஓலைகள்/இலைகள்  மட்டுமே  காணப்படுதல்.

• ஓலைகள் சிறுத்தும் பச்சை நிறத்திலிருந்து வெளிர் மஞ்சள் நிறத்தில் மாற்றமடைந்து காணப்படும்.

• நாளடைவில் இலைகள் மஞ்சள் நிறமாக மாறி உதிர்வடையும்.

• மரங்கள் காய்ப்புகள் இன்றி அல்லது ஒருசில காய்களுடன் மட்டுமே காணப்படும்/

• அதிகளவிலான குரும்பை உதிர்தல் மற்றும் ஒல்லிக்காய்கள் காணப்படுதல்.

• தீவிர நிலையின் போது  தண்டுப்பகுதியின் நுனி முறிந்து செடிகள் இறந்து விடும். 

பென்சில்முனை சீர்குலைவைக் கட்டுப்படுத்தும் வழிமுறைகள்

• பரிந்துரைக்கப்பட்ட அளவில் நீர் மற்றும் ஊட்டச்சத்துக்கள் கிடைப்பதை உறுதி செய்ய வேண்டும்.

• முறையான களை மேலாண்மை.

• நோய் மற்றும் பூச்சி தாக்குதல் இன்றி பராமரித்தல்.

• முறையான வடிகால் வசதிகளை ஏற்படுத்துதல்.

• பயிர்சாகுபடி முறைக்கு ஏற்றவாறு ஊட்டச்சத்துக்களை கூடுதலாக இடுதல்.

• தமிழ்நாடு வேளாண்மை பல்கலைக்கழகத்தால் பரிந்துரைக்கப்பட்ட உரங்களை இடுதல்.

• தென்னை நுண்ணூட்ட கலவையை மரத்திற்கு 500 கிராம் வீதம் வருடத்திற்கு இரண்டு முறை இட வேண்டும்.

• கூடுதலாக மரம் ஒன்றுக்கு துத்தநாக சல்பேட் 225 கிராம், தாமிர சல்பேட் 225 கிராம், மாங்கனீசு சல்பேட் 225 கிராம், இரும்பு சல்பேட் 225 கிராம், போராக்ஸ் 225 கிராம், சோடியம் மாலிப்பிடேட் 10 கிராம் என்ற அளவில் 10 லிட்டர் தண்ணீரில் கரைத்து மரத்தின் வேர் பகுதியில் 6 மாதத்திற்கு ஒரு முறை ஊற்ற வேண்டும்.

மேலும் தகவல் மற்றும் சந்தேகங்களுக்கு இணைப்பில் கண்டுள்ள WhatsApp குழுவில் இணைந்து பயன்பெறலாம்.      https://chat.whatsapp.com/Ijj6PLZ6L5a1lJJyhTc5jX 

பூசா டீ கம்போசர் (Pusa Decomposer) பயன்களும் பயன்படுத்தும் முறையும்

பூசா டீ கம்போசர் (Pusa Decomposer)...

1. வட இந்தியாவில் சாகுபடி செய்யப்படும் நெற்பயிர்கள் அறுவடைக்குப் பிறகு நிலத்திலேயே இட்டு எரிக்கப்படுவதால் அதனால் ஏற்படும் மாசு மற்றும் புகை மூட்டம் பல்வேறு மாநிலங்களை பாதிப்படையை செய்கிறது அதில் நியூ டெல்லியும் ஒன்று.

2. பல்லாயிரம் கணக்கான பரப்பளவில் சாகுபடி செய்யப்படும் நெற்பயிர்கள் செப்டம்பர் அக்டோபர் மற்றும் நவம்பர் மாதங்களில் அறுவை செய்யப்பட்டு அதிக அளவில் எரிக்கப்படுவதால் இதனை தடுக்கவும் இந்தப் பொருட்களை நிலங்களிலேயே மக்க வைத்து நன்மை பெறவும் இந்த பூசாரி கம்போசர் 2016 ஆம் ஆண்டு அறிமுகப்படுத்தப்பட்டது.

3. மாத்திரை வடிவில் கிடைக்கும் இந்த டீ காம்போசரில் சுமார் ஏழு வகையான நன்மை செய்யும் பூஞ்சைகள் அடங்கியிருக்கும் இதன் பிரதான பணி பண்ணை கழிவுகளை விரைந்து மக்க வைப்பதாகும்.

4. மாத்திரை வடிவில் இருக்கும் இந்த  டீகம்போசர் நான்கு எண்கள் ஒரு ஹெக்டர் நிலப்பரப்பில் உள்ள நெற்பயிர் கழிவுகளை மக்கச் செய்யும் திறன் படைத்தது.

5. மிகக் குறைந்த விலையில் தயாரித்து வெளியிடப்படும் இந்த புசா டீ கம்போசர் பல்வேறு வட மாநிலங்களில் கொடுக்கப்பட்ட ஆய்வு செய்யப்பட்டதில் மிக விரைந்து பயிர் கழிவுகளை மக்க செய்வதால் இதனை அனைத்து பண்ணை கழிவுகளுக்கும் மக்கச் செய்ய பயன்படுத்தலாம் என அறிமுகப்படுத்தப்பட்டது.

தயார் செய்து பயன்படுத்தும் முறை:

• ஐந்து லிட்டர் தண்ணீரில்  சுமார் 150 கிராம் நாட்டு சர்க்கரை கலந்து அந்த தண்ணீரை கொதிக்க வைக்க இந்த தண்ணீரை நன்கு ஆற விட வேண்டும்.

• பின்னர் இதில் சுமார் 50 கிராம் ஏதேனும் ஒரு பயிர் வகையை அரைத்து பவுடராக தயார் செய்து இதில் கலந்து கொள்ள வேண்டும்.

• இவை இரண்டும் அதாவது வெல்லம் மற்றும் தானிய பவுடர் பூஞ்சானங்களின் எண்ணிக்கையை அதிகரிக்க உதவி புரிகிறது.

• இவை இரண்டையும் ஒரு பெரிய பாத்திரத்தில் ஒன்றாக கலந்து கொண்டு அதில் ஒரு ஹெக்டேர் நிலப்பரப்பிற்கு தேவையான நான்கு பூசா டீ கம்போசர் மாத்திரைகளை கலந்து கொள்ள வேண்டும். இதனை நூல் சாக்கு பயன்படுத்தி மூடி வைக்க வேண்டும்.

• நான்கு நாட்களுக்குப் பிறகு இந்த கலவையின் மேற்பரப்பில் அடர்த்தியான பூஞ்சை வளர்ச்சியை காண இயலும்.

• நான்கு நாட்களுக்குப் பிறகு மீண்டும் 5 லிட்டர் தண்ணீரில் 150 கிராம் நாட்டு சர்க்கரை கலந்து கொதிக்க வைத்து ஆற விட வேண்டும் பின்னர் இதனை ஏற்கனவே தயார் செய்த கலவையில் கலந்து விட வேண்டும்.

• இதே வழிமுறையை அடுத்த இரண்டு நாட்கள் கழித்து என மொத்தம் நான்கு முறை செய்ய வேண்டும். இவ்வாறு தயார் செய்யும் பொழுது சுமார் 25 லிட்டர் திரவம் நமக்கு 12 நாட்களில் கையில் இருக்கும்.

• இந்த திரவத்தை 475 லிட்டர் தண்ணீருடன் கலந்து 500 லிட்டர் திரவமாக மாற்ற வேண்டும். இதனை வயலில் அல்லது தனிப்பட்ட முறையில் சேகரித்து வைக்கப்பட்டுள்ள மக்க கூடிய பண்ணை கழிவுகளில் தெளிக்க வேண்டும்.

• இந்த முறையை பின்பற்றி பண்ணை கழிவுகளை மக்கச் செய்யும்பொழுது சுமார் ஒரு மாத காலத்தில் போதுமான அளவு மட்கி விடுவதால் அடுத்தடுத்த பயிர் சாகுபடி செய்ய எளிதாக இருக்கிறது.

• பண்ணை கழிவுகளை எளிதில் மக்கச் செய்வதுடன் இதனால் மண்ணில் இருக்கக்கூடிய ஊட்டச்சத்துக்கள், நன்மை செய்யும் உயிர்கள், மண்வளம் ஆகியவை மேம்படுகிறது.

இதர முறையில் பயன்படுத்தும் வழிமுறை: 

• மக்கக்கூடிய பண்ணை கழிவுகளான இலை தழைகள், கால்நடை கழிவுகள், கோழி எச்சங்கள் போன்றவற்றை மக்க வைக்க சிறுசிறு துண்டுகளாக வெட்டி நிழற் பாங்கான இடத்தில் சுமார் ஒரு அடி உயரத்தில் இட்டு அதில் பூசாரி கம்போசர் தெளிக்க வேண்டும். 

• அதேபோன்று வருடத்திற்கு இரண்டு அல்லது மூன்று முறை தேவையான தண்ணீரில் பூசா டீ கம்போசர் தயார் செய்து வயலில் விடுவதால் எண்ணற்ற பலன் அடைய இயலும். 

நன்மைகள்: 

• பண்ணை கழிவுகளை மிக எளிதில் மக்க வைத்து மீண்டும் உரமாக பயன்படுத்தலாம்.

• இதனால் குறைந்த செலவில் மண்ணின் பலம் பெருகுகிறது ஏனெனில் இது அனைத்து விதமான ஊட்டச்சத்துக்களையும் மண்ணிற்கு தர வல்லது. 

• மண்ணின் நீர் மற்றும் ஊட்டச்சத்துக்களை பிடித்திருக்கும் திறன் மேம்படுகிறது. 

• வயலில் நன்மை செய்யும் நுண்ணுயிரிகளின் எண்ணிக்கை பெருக்கமடைகிறது.

• வயலில் வேர் சம்பந்தமான நோய்கள் தாக்குவது குறைந்துள்ளதாக பல்வேறு ஆய்வுகள் குறிப்பிடுகிறது.

• உரத் தேவையினை குறைத்து சாகுபடி செலவை குறைக்கலாம். 

மேலும் தகவல் மற்றும் சந்தேகங்களுக்கு இணைப்பில் கண்டுள்ள வாட்ஸ் அப் குழுவில் இணைந்து பயன்பெறலாம்...https://chat.whatsapp.com/Ijj6PLZ6L5a1lJJyhTc5jX