மிளகாய் பயிரை தாக்கும் சிலந்திப்பேனை கட்டுப்படுத்தும் வழிமுறைகள்...

மஞ்சள் முரணைச் சிலந்தி / அகண்ட சிலந்தி பேன் :

தமிழகத்திலுள்ள பல்வேறு பகுதிகளில் ஆண்டுதோறும் சுமார் 50,000 எக்டர் நிலப்பரப்பில் சாகுபடி செய்யப்பட்டு வரும் மிளகாய் பயிரில் சாறு உறிஞ்சும் பூச்சிகளின் தாக்குதலால் 25 முதல் 70% வரை மகசூல் இழப்பு ஏற்படுகிறது.
அவற்றில் மிகவும் சவாலான ஒன்றாக மஞ்சள் முரணைச் சிலந்தி அல்லது அகண்ட சிலந்தி பேன் திகழ்கிறது. சரியான பராமரிப்பு மற்றும் கவனிப்பற்ற பயிர்கள் 70-90% வரை பாதிப்படையும்.

பூச்சியின் விபரம் :

முட்டை	-	நீள்வட்ட வடிவில் பழுப்பு முதல் வெண்மை நிறத்தில் காணப்படும். முட்டைகள் தாய் பூச்சியினால் இலையின் அடிப்பாகத்தில் ஒரு ஒரு முட்டையாக பரவலாக இடப்படுகிறது. இதன் ஆயுட்காலம் 1-3 நாட்கள் ஆகும்.
இளம்குஞ்சு	-	வெண்ணிறத்தில் காணப்படும் இதனுடைய ஆயுட்காலம் 3-5 நாட்கள் ஆகும்.
பூச்சி	-	நீள்வட்ட வடிவில் அடர் மஞ்சள் நிறத்தில் காணப்படும். முதிர் பூச்சிகள் இளம் குஞ்சுகளை விட சற்று பெரியதாக காணப்படும். இதன் ஆயுட்காலம் 8-10 நாட்கள் ஆகும்.

அறிகுறிகள் :

• இலைகள், இலைமொட்டுகள், பூ மற்றும் காய்களின் உருவம் மாற்றம் அடைவதுடன் நிறமும் சற்று அடர் பச்சையில் காணப்படும்.

• தளிர்கள் மற்றும் இலைகள் சற்று நீள்வடிவில் வளர்வதுடன் காம்புகளின் வளர்ச்சி சற்று அதிகமாக காணப்படுவதால் இதனை ”எலி வால்” அறிகுறி என்றழைக்கப்படுகிறது.

• சிலந்திகள் இலையின் அடிப்பகுதியில் சாற்றை உறிஞ்சுவதால் இலைகள் கீழ்நோக்கு சுருண்டு பார்ப்பதற்கு கப்பலை தலைகீழாக கவிழ்க்கப்பட்டது போன்று தோன்றும்.

• இலையின் அடிப்புறத்தில் மைய நரம்புகளுக்கு இடையில் பழுப்பு நிற பகுதிகள்/ திட்டுக்கள் தோன்றும்.

• நாளடைவில் தளிர்கள் கருகுதல், பூ மற்றும் காய்ப்பிடிப்புகளின் எண்ணிக்கை கணிசமாக குறையும்.

• கன்று இடைவெளிகள் குறைந்து காணப்படுவதால், பக்கவாட்டு தளிர்கள் மொட்டுகளின் (Center shoots bond) உற்பத்தி அளவுக்கு அதிகமாக காணப்படும்.

• இளம் சிலந்திகள் காய்களின் சாற்றை உறிஞ்சுவதால் காய்கள் நிறமாறி உதிர ஆரம்பிக்கும்.

• இதன் சேதங்களானது களைக்கொல்லிகளின் தவறான பயன்பாடு மற்றும் ஊட்டச்சத்து குறைபாடு போன்றவற்றுடன் ஒத்திருக்கும்.

கட்டுப்படுத்தும் முறைகள்

• பாதிக்கப்பட்ட வயல்களுக்கு அருகில் நடவு செய்வதை தவிர்க்கவும்.

• பாதிக்கப்பட்ட பயிர்களை அகற்றி அப்புறப்படுத்துவது மிகவும் அவசியம்.

• பூச்சிக்கொல்லிகளின் அதிகப்படியான பயன்பாட்டை குறைப்பதுடன் ஒருங்கிணைந்த பூச்சி மேலாண்மை உத்திகளை மேற்கொள்ளுதல் அவசியம்.

• ஒரே வயலில் மீண்டும் மீண்டும் மிளகாய் சாகுபடி செய்வதை தவிர்க்கவும்.

• இயற்கை பூச்சி விழுங்கிகளான ஆம்ப்லிசியஸ் மாண்ட்டோரென்சிஸ் மற்றும் நியோசியூலஸ் ருக்குபேரிஸ் கட்டுப்படுத்த பயன்படுத்தலாம்.

• பூண்டு சாறு +சோப்புத்தண்ணீர் சேர்த்து தெளிப்பதால் பரவுதல் கட்டுப்படுத்தப்படும்.

• இவ்வகை பூச்சிகளை தாங்கி வளரக் கூடிய குண்டு இரக மிளகாய்களை பயிரிடலாம்.

• சரியான நீர் மற்றும் உர மேலாண்மை சிலந்தி பேன்களின் இனப்பெருக்கத்தை குறைத்திட உதவிடும்.

• இமிடோகுளோபிரிட் 10 கி/ கிலோ விதைகளுடன் விதை நேர்த்தி அல்லது சூடோமோனஸ் புளுரோசன்ஸ் 10 கி/ கிலோ விதைகளுடன் விதை நேர்த்தி செய்வதால் சாறு உறிஞ்சு பூச்சிகளின் தாக்குதல் மட்டுப்படுத்தப்படும்.

• பூண்டு, மிளகாய், மண்ணெண்ணெய் கரைசல் (GCK) 0.5% +நிம்பிசிடின் 2.50 மி.லி. /லி தெளிப்பதால் 40% வரை தாக்குதல் கட்டுப்படுத்தப்படுகிறது.

• கீழ்க்கண்ட ஏதேனும் இரண்டை 10-15 நாட்கள் பயன்படுத்துவதால் பரவுதல் தடுக்கப்படுகிறது.

1.Verticilium Lecani -1%
2. Bacillus aalbus – 2%
3.Beaureria bassiana – 0.4%

• தக்காளி அல்லது சாமந்தி பொரி பயிராக பயிரிடலாம்.

• கீழ்க்கண்ட பூச்சிக்கொல்லி மருந்துகளில் ஏதேனும் இரண்டு அல்லது மூன்றை சுழற்சி முறையில் பயன்படுத்தலாம்.

1.Diafenthiuron – 1g/ lit. water
2.Vertimec – 0.5 ml/ lit. water 
3.Spinosad – 0.25 ml/ lit. water
4.Spiromesifen – 2 ml/ lit. water

5.Propargite - 2 ml/lit water 6.Cyflumetofen- 2.5 ml/lit water 7.Diafenthiuron+cyantraniliprole- 2 ml/ lit water 8.Etoxazole-0.3 ml / lit water 9.Etofenprox+Diafenthiuron- 0.5 ml/lit water

10. Fluxametamide- 1-1.5ml/lit water

• கோடை உழவு மேற்கொள்வதுடன் எக்டருக்கு 600 கி. வேப்பம்புண்ணாக்கு இடுவதால் தாக்குதலின் சதவீதம் குறைக்கப்படுகிறது.

 

கத்தரியில் குருத்து மற்றும் காய் துளைப்பானை எவ்வாறு கட்டுப்படுத்தலாம்

கத்தரியில் குருத்து மற்றும் காய் துளைப்பான் :

காய்கறி பயிர்களின் அரசன் என அழைக்கப்படும் கத்தரியானது தெற்காசிய நாடுகளில் மிகவும் முக்கியமான காய்கறி பயிராக கருதப்படுகிறது. இந்தியாவில் ஆண்டுக்கு சுமார் 5 இலட்சம் எக்டர் நிலப்பரப்பளவில் சாகுபடி செய்யப்பட்டு வரும் கத்தரியில் ஏற்படும் பல்வேறு பூச்சி தாக்குதல்களில் மிகவும் முக்கியமானதாகவும் அதிகம் பாதிப்பை ஏற்படுத்தக் கூடியதாக இது திகழ்கிறது. இப்புழுத் தாக்குதலால் மகசூல் இழப்பு சுமார் 30 முதல் 80% வரை ஏற்படுகிறது.

உகந்த பயிர்கள்:

இந்த வகை புழுக்கள் தக்காளி, மிளகாய், உருளைக் கிழங்கு மற்றும் பச்சைப் பட்டாணி பயிர்களில் பரவலாக காணப்படுகிறது. 

வாழ்க்கைச் சுழற்சி:

முட்டை	-	பாலாடை வெள்ளை நிற முட்டைகளை  இலையின் அடிப்புறத்தில் தனித்தனியாகவோ அல்லது கொத்தாகவோ இடப்படுகிறது. ஒரு பெண் அந்துப்பூச்சி அதன் வாழ்நாளில்  சுமார் 250 முட்டைகள் வரை இடும்.
லார்வா	-	3 முதல் 5 நாட்களுக்குள் முட்டையிலிருந்து வெளிவருகிறது. ஆரம்பத்தில் இப்புழுக்கள் பாலாடை வெள்ளை நிறத்திலும் பின்னர் இளஞ்சிவப்பு நிறத்திலும் இருக்கும். இளம் இலைகள், காம்புகள், மொட்டுகள் மற்றும் தளிர்களில் துளையிடும். பின்னர் செடிகளின் குருத்து மற்றும் பழங்களைத் துளையிட்டு சேதம் ஏற்படுத்தும். 4 முதல் 6 நாட்கள் வரை நீடித்து இருக்கும்.
கூட்டுப்புழு	-	இதன் வாழ்நாள் 7 முதல் 10 நாட்கள் மண் அல்லது செடிகளில் காணப்படும்.
முதிர்ந்த பூச்சி	-	முதிர்ந்த பூச்சிகள் வெள்ளை நிறத்தில் கருப்பு நிற புள்ளிகளுடன் காணப்படும். முன் இறக்கைகள் முக்கோண வடிவில் பழுப்பு மற்றும் சிவப்பு நிற திட்டுக்களுடன் காணப்படும். இதன் வாழ்நாள் சுமார் 3 முதல் 5 நாட்கள் வரை இருக்கும்.

அறிகுறிகள் 

• லார்வாக்கள் இளம் இலைகள், காம்புகள், மொட்டுகள் தளிர் மற்றும் காய்களில் துளையிடும்.

• ஆரம்பத்தில் இளம் குருத்துகள் வாடி காணப்படும்.

• துளையிடப்பட்ட குருத்து மற்றும் காய்கள் கருப்பு நிற கழிவை வெளித்தள்ளும்.

• நாளடைவில் வாடி உதிர்வதால் இறந்த இதயம் போன்று வளர்ச்சி குன்றி காணப்படும்.

• பூ மற்றும் காய்கள் உதிர்தல்

• குருத்து தண்டை பிளந்து பார்த்தால் திசுக்களின்றி கருப்பு நிறத்தில் காணப்படும்.

• 

கட்டுப்படுத்தும் முறைகள் 

• பாதிக்கப்பட்ட தளிர்கள், குருத்துகள் மற்றும் பழங்களை சேகரித்து அழிப்பதால் லார்வா / முட்டைப் புழுக்கள் மற்றும் கூட்டுப் புழுக்களை அழிக்கலாம்.

• இவற்றை எரித்து பயிர் அங்கங்களை உரமாக்கிடுவதால் தாய் அந்துப் பூச்சிகளின் எண்ணிக்கையை வெகுவாக குறைக்கலாம்.

• இறுதி அறுவடைக்கு பிறகு பழைய செடிகள் மற்றும் களைகளை வேருடன் பிடுங்கி அழிப்பதால் இப்பூச்சியின் வாழ்க்கைச் சுழற்சி பாதிப்படைவதால் எதிர் வரும் பயிர்களில் தாக்குதல் மட்டுப்படுத்தப்படும்.

• கொத்தமல்லி, சோளம் மற்றும் தட்டைப்பயறு போன்ற பயிர்களைக் கொண்டு பயிற் சுழற்சி மேற்கொள்வதால் நன்மை பயக்கும் பூச்சிகளான சிலந்தி, கண்ணாடி இறக்கைப்பூச்சி, லேடி பேர்ட் மற்றும் செவ்வண்டுகளின் எண்ணிக்கையை அதிகரிக்கலாம்.

• வயலைச் சுற்றி 2 முதல் 4 மீ உயரத்திற்கு வலைகளை தடுப்பானாக பயன்படுத்துவதுடன் வயலை சுத்தமாக பராமரிப்பதால் 60% வரை பூச்சித் தாக்குதலிருந்து பாதுகாக்கப்படுகிறது.

• எதிர்ப்பு சக்தி ரகங்களை பயிரிடுதல். (நீளமான காய்கள் கொண்ட ரகம்).

• இனக்கவர்ச்சி பொறி 12 எண்கள்/ எக்டர் என்ற எண்ணிற்கு வைத்து தாய் அந்துப்பூச்சி நடமாட்டத்தை குறைக்கலாம்.

• பேசில்லஸ்  துருஞ்சியன்ஸ் 2 கி/ லி தண்ணீரில் கலந்து தெளிப்பதால் ஆரம்பகால பூச்சித் தாக்குதலை கட்டுப்படுத்தலாம்.

• டிரைக்கோகிராம சிலோனிஸ் ஒட்டுண்ணியை எக்டருக்கு 50000 எண்கள் விடுவிப்பதால் 50 % வரை  பூச்சித் தாக்குதலை கட்டுப்படுத்தலாம்.

• வேப்பங்கொட்டை 5% கரைசல் 1-2 மி.லி/ 1 லி தண்ணீர் 15 நாட்களுக்கு ஒருமுறை தெளிப்பதால் பூச்சித்தாக்குதல் தவிர்க்கப்படும்.

• ப்ரைஸ்டோமரஸ் மற்றும் செராமஸ்டஸ் ஒட்டுண்ணியை பயன்படுத்திக் கட்டுப்படுத்தலாம்.

• கீழ்க்கண்ட பூச்சிக் கொல்லிகளில் ஏதேனும் இரண்டினை சுழற்சி முறையில் பயன்படுத்தலாம்.

Azadiractin 10000 ppm – 3-5ml/liter water	https://amzn.to/4c4jkFM https://amzn.to/431RMg2
Spinosad – 0.5-1 ml/10 liter water	https://amzn.to/3Iodb9v
Chlorantraniliprole – 0.4-0.6 ml/liter water	https://amzn.to/3TnjCQI
Novaluron+ Emamectin benzoate - 4 ml/ liter water	https://amzn.to/3V1o8FC
Flubendiamide -0.5-0.75 ml/liter water	https://amzn.to/49YPsIN
Quinalphos – 1.5-2 ml/liter water	https://amzn.to/3wDnfJg
Imidacloprid+Betacyfluthrin – 0.4-0.6 ml/liter water	https://www.badikheti.com/insecticide/pdp/solomon-insecticide/yuj18cv5
Isocycloseram – 0.1-0.2 ml/liter water	https://cultree.in/products/syngenta-simodis-isocycloseram-9-2-w-w-dc-insecticide
Broflanilide – 0.2-0.3 ml/liter water	https://agribegri.com/products/buy-basf-exponus-broflanilide-300-gl-sc-insecticdes.php

 

விவசாயிகளுக்கு கை கொடுக்கும் விளக்குப்பொறி....

விளக்குப் பொறியை பற்றிய விரிவான தகவல்கள்:

விளக்குப் பொறி என்றால் என்ன???

விவசாயத்தில் நன்மை மற்றும் தீமை செய்யும் பூச்சிகளின் நடமாட்டத்தை கண்டறிந்து அதற்கு ஏற்றவாறு பல்வேறு கட்டுப்படுத்தும் முறைகளை மேற்கொண்டு தீங்கு விளைவிக்க கூடிய பூச்சிகளை எளிதில் கட்டுப்படுத்தக்கூடிய முறையாகும். 

ஒளியில் உள்ள குறிப்பிட்ட வகை புற ஊதா கதிர்களை கொண்டு குறிப்பிட்ட வகை பூச்சிகளை நாம் கண்காணிக்கவும் கட்டுப்படுத்தவும் இயலும். இந்த விளக்குப் பொறியானது சூரிய ஒளி, பேட்டரி மற்றும் மின் இணைப்பு மூலமாகவும் செயல்படுகிறது.

விளக்குப் பொறியை பயன்படுத்த வேண்டியதின் அவசியம்...

1.தொடர்ச்சியான மற்றும் வரையறை அற்ற பூச்சிக்கொல்லி மற்றும் உரங்களின் பயன்பாட்டினால் நாளுக்கு நாள் நோய் மற்றும் பூச்சி தாக்குதல் அதிகரிப்பதுடன் எளிதில் மருந்துகளுக்கு எதிராக எதிர்ப்பு தன்மை பெறுகிறது.

2.உணவு மற்றும் காய்களில் பூச்சி மருந்துகள், களைக் கொல்லிகள் மற்றும் உரங்களின் எச்சங்களால் மனிதர்களுக்கும் விலங்குகளுக்கும் ஏற்படும் பாதிப்புகள்.

3.இவ்வாறான வரையறை அற்ற பூச்சி மருந்து மட்டும் உரங்களினால் மண்ணின் வளம் பாதிக்கப்பட்டு அதில் காணப்படும் நன்மை செய்யும் உயிரினங்களை நாளுக்கு நாள் அழித்து வருகிறோம்.

4.இது மட்டுமன்றி இந்த தீங்கு விளைவிக்கக் கூடிய மருந்துகள் நீர் நிலைகளை சென்றடைந்து நீர் வாழ் உயிரினங்களை பாதிப்படைய  செய்வதுடன் நீரை அன்றாட பயன்பாட்டுக்கு பயன் படுத்தா வண்ணம் மாற்றுகிறது.

5.இந்த விளக்குப் பொறி நன்மை மற்றும் தீமை செய்யும் பூச்சிகளின் நடமாட்டத்தை கண்காணிப்பதுடன் நன்மை செய்யும் பூச்சிகளை அழிக்காமல் தீமை செய்யும் பூச்சிகளை மட்டும் அழித்து விவசாயிகளுக்கு உதவி புரிகிறது.

6.விளக்குப் பொறியானது பயிர் பாதுகாப்பில் பூச்சிகளை கண்காணிக்க மற்றும் கட்டுப்படுத்த மட்டும் அல்லாமல் உணவு மற்றும் தானியக் கிடங்குகள், சேமிப்பு கலன்கள் போன்றவற்றிலும் பூச்சிகளை கவர்ந்து அழிக்க பயன்படுகிறது.

7.இதுபோன்று எண்ணற்ற காரணங்களினால் விளக்குப் பொறியின் பயன்பாடு இன்றி அமையாத தாகும்.

இதை பயன்படுத்துவதால் ஏற்படும் நன்மைகள்:

1.விளக்குப் பொறியை தொடர்ச்சியாக பயன்படுத்தும் போது  பயிர்களில் எந்தெந்த பருவங்களில் எந்தெந்த நன்மை செய்யும் மற்றும் தீமை செய்யும் பூச்சிகள் நம் நிலத்திற்கு வருகை புரிகிறது என்பதை சிறப்பாக கண்காணிக்கலாம்.

2.விளக்குப் பொறியை சரியாக பயன்படுத்தும் போது தீமை செய்யும் பூச்சிகளின் எண்ணிக்கையை கணக்கிட்டு அதற்கேற்றவாறு கட்டுப்படுத்தும் முறைகளை மேற்கொள்ளலாம்.

3. விளக்குப் பொறிகள் தீமை செய்யக்கூடிய ஆண் மற்றும் பெண் பூச்சிகளை கவர்ந்து அழிப்பதால் வேகமாக பூச்சி தாக்குதலை குறைக்கலாம். ஆனால் இனக்கவர்ச்சி பொறியில் நாம் தாய் அந்து பூச்சிகளை மட்டுமே கவர்ந்து அளிக்க முடியும் என்பது குறிப்பிடத்தக்கது.

 

4.மேலும் இந்த விளக்குப் பொறி மூலம் பல்வேறு நன்மை மற்றும் தீமை செய்யும் பூச்சிகளின் விவரங்களை சேகரிக்க முடியும் மற்றும் இரவு நேரங்களில் மட்டும் பயிர்களை உண்ணக்கூடிய பூச்சிகளை கவர்ந்து அழிக்கலாம்.

5.விளக்குப் பொறியை பயன்படுத்தி பயிர்களை தாக்கக்கூடிய பட்டாம்பூச்சி வகையை சேர்ந்த அந்து பூச்சிகள், பழ ஈக்கள், பல்வேறு வண்டு வகைகள், பாதிப்பை ஏற்படுத்தும் குழவிகள் என பல தீமை செய்யும் பூச்சிகளை கவர்ந்து அழிக்கலாம்.

6. சராசரியாக ஒரு இளம் தாய் பூச்சிகளை அழிப்பதால் அதிலிருந்து உருவாகக் கூடிய சுமார் 200 முதல் 500 புழுக்கள் மற்றும் அவைகள் ஏற்படுத்தும் பாதிப்புகளில் இருந்து பயிர்களை பாதுகாக்கலாம்.

7.விளக்குப் பொறியை பயன்படுத்தி 45% வரை பூச்சி தாக்குதலை தவிர்க்கவும் கட்டுப்படுத்தவும் முடியும். 

8.மேலும் இதன் மூலம் 50 சதவீத மகசூல் அதிகரிப்பை உணரலாம்.

9.இந்த முறையில் பூச்சிகளை கட்டுப்படுத்துவதால் உற்பத்தி செலவு வெகுவாக குறைக்கப் படுவதுடன் சுற்றுப்புற சூழலுக்கு எவ்வித கேடும் விளைவிப்பதில்லை.

10.சில வகை விளக்குப் பொறிகளில் நன்மை செய்யும் பூச்சிகளை மட்டும் குறிப்பிட்டு வகை ஒளியை பயன்படுத்தி பிரித்து எடுத்த அவைகளை மீண்டும் வயலுக்குள் விடுவிக்கிறது. இதனால் நமது வயலில் உள்ள நன்மை செய்யும் பூச்சிகளின் எண்ணிக்கை அதிகரிக்கும்.

11.மிகவும் எளிய அமைப்பான இதை தேவைப்படும் போது பயன்படுத்துவதுடன் குறைந்த செலவில் நாமே தயார் செய்யலாம் மேலும் இதன் ஆயுட்காலம் சரியாக பராமரித்தால் மிக அதிகம்.

இதை பயன்படுத்துவதால் ஏற்படும் தீமைகள்:

1.எளிய முறையில் நாமே தயார் செய்து பயன்படுத்த கண்டிப்பாக மின் இணைப்பு தேவைப்படும். மானாவரி பகுதியில் சாகுபடி செய்யும் விவசாயிகளுக்கு இது சற்று சவால் ஆனதாகும்.

2.இரவில் இயங்கக்கூடிய அல்லது பயிர்களை உண்ணக்கூடிய பூச்சிகளை மட்டுமே நாம் கவலை இயலும்.

3.இதில் நாம் பறக்கக்கூடிய பூச்சிகளை மட்டும் தான் கவர்ந்து அழிக்க இயலும்.

4. நன்மை செய்யும் பூச்சிகளான தயிர் கடை அல்லது கும்மிடிப்பூச்சி, கண்ணாடி இறக்கை பூச்சி, கரும்புள்ளி செவ்வண்டு, தேனீக்கள் மற்றும் பல நன்மை செய்யும் பூச்சிகள் இதில் கவரப்படுகிறது.

விளக்குப் பொறியை பயன்படுத்தும் போது கவனிக்கப்பட வேண்டியவை....

1.பூச்சி தாக்குதலை பொறுத்து ஏக்கருக்கு ஒன்று அல்லது இரண்டு விளக்குப் பொறியை பயன்படுத்தலாம்.

2.பல்வேறு நிறுவனங்களில் பல்வேறு விலைகளில் விளக்குப் பொறிகள் கிடைக்கின்றன. விவசாயிகள் தங்களுக்கு ஏற்றவாறு ஏதேனும் ஒன்றை தேர்வு செய்து பயன்படுத்தலாம்.

3.பயன்படுத்தும் போது விளக்குப் பொறியில் நன்மை செய்யும் பூச்சிகளைக் கவர்ந்து தனிக் கொள்கலனில் பிரித்து அதனை மீண்டும் வயலில் விடுவிக்க கூடிய அமைப்பு கொண்ட விளக்கு பொறியை தேர்ந்தெடுத்து பயன்படுத்தலாம்.

4.நிலத்தைச் சுற்றி அல்லது நிலத்திற்குள் வைக்க வேண்டும். வைக்கும்போது தற்காலிக அமைப்பு கொண்ட இருக்கை அமைப்பை ஏற்படுத்தவும்.

5.இருக்கை அமைப்பில் விளக்குப் பொறியை பொருத்தும் போது எவ்வித காற்றினாலும் கால்நடைகளினாலும் சாயாதவாறு பொருத்த வேண்டும்.

6.விளக்குப் பொறிகள் நெல், பயிர் வகைகள், காய்கறிகள், பூக்கள் போன்ற குறைந்த வாழ்நாள் மற்றும் குறைந்த உயரம் கொண்ட பயிர்களுக்கு அதன் தடை மட்ட அளவில் பொருத்த வேண்டும். அதாவது பயிர்களின் உயரத்திலிருந்து இருந்து 40-80 cm தொலைவிலையே விளக்குப் பொறி இருக்க வேண்டும்.

7.பழங்கள் போன்ற உயரமாக வளரும் மரங்களுக்கு அல்லது பயிர்களுக்கு நிலத்தில் இருந்து ஆரம்பித்த உயரத்தில் விளக்குப் பொறி பொருத்தப்பட வேண்டும்.

8.மாலை 6 முதல் இரவு 10 மணி வரை விளக்குப் பொறியை இயக்கினாலே போதும். அல்லது 7 முதல் 11 மணி வரை இயக்கலாம். அதாவது சராசரியாக மூன்று முதல் நான்கு மணி நேரம் பயன்படுத்தினால் போதும். இரவு 11 மணிக்கு மேல் பயன்படுத்துவது உகந்ததல்ல ஏனெனில் பெரும்பான்மையாக பாதிப்பை ஏற்படுத்தும் பூச்சிகள் இரவு நேரங்களில் உன்னாது.

9.தினமும் அல்லது இரண்டு நாட்களுக்கு ஒரு முறை விளக்குப் பொறியில் உள்ள நன்மை செய்யும் பூச்சிகளை விடு விப்பதுடன் தீமை செய்யும் பூச்சிகளை சேகரித்து அழிக்கவும்.

10.சூரிய ஒளியை பயன்படுத்தி இயங்கும் விளக்குப் பொறியை பகல் நேரங்களில் சிறிது நேரம் இயக்க வேண்டும். போதுமான அளவு சூரிய ஒளியை எடுத்துக் கொண்டு இயங்கும்.

11.பேட்டரி அமைத்துக் கொண்ட  விளக்குப் பொறியை பயன்படுத்தினால் ஒருமுறை வெற்றியை பேட்டரியை சார்ஜ் செய்தால் போதும் 8 முதல் 10 மணி நேரம் வரை பயன்படுத்தலாம்.

12.அனைத்து பயிர்களுக்கும் அனைத்து விதமான மண் மற்றும் சூழ்நிலைகளிலும் விளக்குப் பொறியை பயன்படுத்தலாம்.

13.விளக்குப் பொறிகளில் இருந்து வெளிவரக் கூடிய ஒளி கற்றயை பொறுத்து கவரப்படும் பூச்சிகள் மாறுபடும். இருப்பினும் பொதுவாக பயன்படுத்தக்கூடிய Flurosecent மற்றும் UV அலை கற்றைகளை வெளியிடக் கூடிய Bulb கொண்ட விளக்குப் பொறியை பயன்படுத்துவது நல்லது.

விளக்கு பொறி எந்தெந்த பயிர்களில் எந்தெந்த பூச்சிகளை கவர்ந்து அழிக்கும்...

நெல்-பச்சை தத்துப்பூச்சி, நெல் கூண்டு புழு, தண்டு துளைப்பான், ஆனைக் கொம்பன் ஈ, வெட்டு புழு, இலை சுருட்டு புழு, கொம்புப்புழு புகையான் மற்றும் இதர

கடலை -ரோம புழு, சுருள் பூச்சி, புகையிலை வெட்டுப்புழு, வெள்ளைப்புழு மற்றும் இதர

பருத்தி- புகையிலை புழு, அமெரிக்கன் காய்ப்புழு, இளஞ்சிவப்பு காய் புழு, இலை சுருட்டு புழு மற்றும் இதர

பழங்கள், காய்கறிகள், பயிறு வகைகள், எண்ணெய் வித்து பயிர்கள், தீவனப் பயிர்கள் மற்றும் உணவு அல்லது தானியங்கி கிடங்குகளில் பல்வேறு பூச்சிகளை கட்டுப்படுத்த பயன்படுகிறது அதனை விரிவாக பின்னர் பார்ப்போம்..

எலுமிச்சையில் மரப்பட்டை உதிர்ந்து செடிகள் இறக்க காரணம்...

எலுமிச்சையில் கால் அழுகல் / கம்மோசிஸ் :

• Phytopthora என்றழைக்கப்படும் பூஞ்சாணத்தால் இந்த நோய் தோற்றுவிக்கப்படுகிறது.

• இந்த நோய் பொதுவாக சற்று வயதான மரங்களில் மட்டுமே பார்க்க முடிகிறது.

• பாதிக்கப்பட்ட செடிகளின் தண்டு, இலை மற்றும் வேரில் நீர்த்த வெளிர் பழுப்பு நிற புண்கள் தோன்றும்.

• நாளடைவில் தண்டு, வேர் மற்றும் கிளையில் காணப்படும் புண்களில் வெடிப்புகள் (நீள்வாக்கில்) தோன்றும். 

• இவ்வெடிப்புகளிலிருந்து பழுப்பு நிற கோந்து வெளிவரும்.

• கிளைகளில் வெளிர் சிகப்பு முதல் பழுப்பு நிற தடித்த கோடுகள் காணப்படும்.

• வெடித்த இடங்களில் பட்டைகள் உதிர்ந்து பிற பூச்சி மற்றும் நோய் தாக்குதலை ஏற்படுத்துவதால் மரங்கள் ஒடிந்தோ அல்லது அழுகியோ இறக்க நேரிடும்.

• பூஞ்சாணம் வேர் பகுதியை தாக்கி வேர் பட்டைகளை உதிர செய்தால் இலைகள் மஞ்சளாகி அதிகமாக உதிரும்.

ஏன் ஏற்படுகிறது :

• எளிதில் தாக்கக்கூடிய இரகங்கள் வேர் செடிகளை பயன்படுத்துதல்.

• அதிகமாக நீர்பாய்ச்சுதல் (அல்லது) தண்டுகளில் தொடர்ந்து நீர் தேங்குதல்.

• அதிக காற்று ஈரப்பதம்/ மழை / மண்கடினத்தன்மை

• வேர் பகுதியில் உப்பு தோன்றுதல் / உப்பு நீரை பயன்படுத்துதல்.

கட்டுப்படுத்தும் முறைகள் :

• அதிக நீர்பாய்ச்சுதலை தவிர்க்கவும்.

• உப்பு நீர்/ மண் இருக்கும் இடத்தில் மழை நீரை சேகரித்து பயன்படுத்துதல் உகந்தது.

• ஒட்டு இரகங்களை தவிர்த்து நாட்டு இரகத்தை பயிரிடலாம்.

• ஒட்டு இரகத்தை பயன்படுத்த விரும்பினால் வேர் செடிகளை தேர்வில் கவனம் தேவை.

• கவாத்து செய்வதை தவிர்க்கவும்.

• அmதிக வெப்பம் தண்டுகளில் படும்போதும் வெடிப்புகள் ஏற்படும். அதுபோன்ற சமயத்தில் தரையிலிருந்து 1-2 அடி உயரத்திற்கு பெயிண்ட் அடிக்கவும்.

• அதிக மழை பொழிவு / நீர் தேக்கம் இருக்ககூடிய இடங்களில் வட்ட பாத்தி அமைக்க வேண்டும்.

• இப்பூஞ்சாணம் மண்ணில் இருப்பதால் வாய்க்கால் பாசனத்தை தவிர்த்து சொட்டு நீர் பாசனம் உபயோகிக்கலாம்.

• பாதிக்கப்பட்ட பகுதியில் உள்ள பட்டைகளை நன்றாக சுத்தம் செய்து 1% பொட்டாசியம் பெர்மாங்கனேட் கரைசல் கொண்டு சுத்தம் செய்து COC/ Bordeaes  கலவையை பூசி விட வேண்டும்.

• டிரைக்கோடெர்மா விரிடி மற்றும் சூடோமோனஸ் தலா 50 கிராம் பத்து லிட்டர் தண்ணீர் கலந்து தொடர்ச்சியாக வேரில் ஊற்றுவதால் இதனை கட்டுப்படுத்தலாம்.

• கீழ்க்கண்டவற்றில் ஏதேனும் ஒன்றின் கலவையை தண்டு / கிளையில் பூசி விடுதல் மற்றும் வேரில் ஊற்ற வேண்டும். (வெயில் மாதங்களில்)

• Fosetyl Aluminium 25 g + Chlorpyiphos – 25 g / 10 Lit water

• COC-30 g + Chlorpyriphos – 25 ml -/10 lit water

• Copper Hydroxite 10g + Chlorpyriphos -25 ml/ 10 Lit water

• Thiophenate Methyl 25g + Chlorpyriphos – 25 ml/ 10 Lit water

நெற்பயிரில் மஞ்சள் கரிப்பூட்டை நோய் எவ்வாறு கட்டுப்படுத்தலாம்...

எதனால் ஏற்படுகிறது:

   இது ஒரு பூஞ்சான நோய். பருவத்திற்கு பின் நடவு செய்யப்பட்ட பயிர்கள், அதிக தழைச்சத்து கொண்ட மண்,அதிக காற்றின் ஈரப்பதம், அடிக்கடி மழைப்பொழிவு மற்றும் சராசரி வெப்பநிலை இந்நோய் தாக்குதலுக்கு உகந்த சூழ்நிலைகள் ஆகும்.  நெற் பயிரின் அனைத்து வளர்ச்சி நிலைகளிலும் காணப்பட்டாலும்.

அறிகுறிகள் நெல் மணிகளில் பால் பிடிக்கும் தருணத்தில் மட்டும் தென்படுகிறது. இந்நோயின் மூலம் 25-75% வரை மகசூல் இழப்பு ஏற்படும்.

அறிகுறிகள்:

1. நெல் மணிகளில்  1cm அகலத்தில் மென்மையான மஞ்சள் நிற பந்து போன்ற அமைப்பு காணப்படும்.

2. இந்த வெல்வெட் போன்ற பந்துகள் நாளடைவில் மஞ்சள் கலந்த பச்சை அல்லது பச்சை கலந்த கருப்பு நிறத்தில் மாறுகிறது.

3. நெற் கதிர்களின் ஒரு சில மணிகளில் மட்டும் இவ்வகை பூஞ்சானத்தின் அறிகுறிகள் தென்படும்.

4. நெல் மணிகளில் நிறமாற்றம், எடை குறைவு மற்றும் முளைப்பு திறன் பாதிப்படைதல்.

கட்டுப்படுத்தும் வழிமுறைகள்:

1. தரமான மற்றும் சான்றிதழ் பெற்ற விதைகளை தேர்வு செய்து பயிரிடலாம்.

2. நோய் எதிர்ப்பு திறன் கொண்ட ரகங்களை தேர்வு செய்து பயிர் செய்யவும். (improved samba, swarna samba மற்றும் BPT 5204)

3. சரியான பருவத்தில் அல்லது பருவத்திற்கு முன் நடவு மேற்கொள்ளுதல்.

4. Trichoderma viridae + Pseudomonas fluorescene கொண்டு விதை அல்லது நாற்றுகளை நேர்த்தி செய்து நட வேண்டும்.

5. பரிந்துரைக்கப்பட்ட தழைச்சத்து உரத்தினை மட்டும் இரண்டு அல்லது மூன்று முறையாக பிரித்து இட வேண்டும்.

6. காய்ச்சலும் பாய்ச்சலுமாக  நீர் பாய்ச்ச வேண்டும்.

7. களைகள் மற்றும் இதர குப்பைகள் இன்றி நிலத்தை பராமரிக்கவும்.

8. அறுவடைக்குப் பின் வயலை ஆழமாக உழுது சூரிய ஒளியில் உலர வைப்பதால் மண்ணில் உள்ள பூஞ்சனங்களை அழிக்கலாம்.

9. விதைகளை 52 டிகிரி வெப்ப நிலையில் 10 நிமிடங்கள் உலர வைத்து  பின்பு நாற்று விடவும்.

10. CO 43, ADT 38, ADT 39 போன்ற ரகங்கள் இந்நோய் தாக்குதலுக்கு உகந்தது

11. கீழ்க்கண்ட பூஞ்சாணக் கொல்லிகளில்  ஏதேனும் இரண்டினை சுழற்சி முறையில் தெளிக்கலாம்.

1. Copper hydroxide -1 g per litre

2. Tebuconazole + Trifloxystrobin - 1 g per litre water 

3. Fluopyram+Tebuconazole -1ml lit water

4 Hexaconazole - 1 ml per lit

5. Chlorothalonil- 2.5 g per lit water

6. Metiram+ Pyroclostrobin - 2 g per litre 

7. Azoxystrobin+ Diffenacozole - 1 ml per lit water

காய்கறி பயிர்களில் உப்பு தன்மையினால் ஏற்படும் அறிகுறிகள் மற்றும் கட்டுப்படுத்தும் வழிமுறைகள்

முன்னுரை: 

   உலக அளவில் 20% சாகுபடிக்கு உகந்த நிலங்கள் உப்பால் பாதிக்கப்பட்டுள்ளன. நீர் பாசனம் மூலம் விவசாயம் செய்யும் நிலப்பரப்பில் 33% உப்பினால் பாதிக்கப்பட்டுள்ளது. உப்பு தன்மையினால் மொத்த நிலப்பரப்பில் 50 சதவீதம் வரை 2050 ஆம் ஆண்டுக்குள் பாதிக்கப்படும் என கணிக்கப்படுகிறது. 

   உப்பு தன்மை அதிகமாகும் போது சோடியம் மற்றும் குளோரைடு ஊட்டச்சத்துக்களை செடிகள் அதிகமாக மண் மற்றும் நீரில் இருந்து எடுத்துக் கொள்கிறது. இதனால் மற்ற ஊட்டச் சத்துக்களை உட் கொள்வதில் ஏற்றத்தாழ்வு ஏற்படுகிறது.

எவ்வாறு உப்பு தன்மை ஏற்படுகிறது:

• இயற்கையாகவே மண்ணில் உப்புத்தன்மை உருவாகும். இதற்கு நீண்டகால வருடங்கள் தேவைப்படும்.

• தொடர்ச்சியாக உப்புத்தன்மை நிறைந்த நீரை பயன்படுத்துதல். உதாரணம் கடல் நீர்

• காற்று மற்றும் நீரினால் கடலோரங்களில் உள்ள மண் மற்றும் செடிகளில் உப்பு படிதல்.

• அதிகப்படியான நிலத்தடி நீரை உறிஞ்சுவதால்.

• கடல் நீர் நிலத்தடி நீருடன் கலப்பதால்.

• மிகவும் குறைந்த மழைப்பொழிவு

• கடல் மற்றும் நிலத்தடி நீர் மனிதர்களின் வாழ்க்கை முறையினால் மாசு அடைவதாலும் பாதிக்கப்படுகிறது.

• முறையற்ற நீர்ப்பாசனம் மற்றும் யுக்திகள்.

• தொழில் துறையில் இருந்து வெளியிடப்படும் கழிவுகளும் நிலத்தடி நீரை மாசு படுத்துகிறது.

எப்போது மண் உப்புத்தன்மை நிறைந்ததாக கருதப்படுகிறது:

• Ec- below 0.6 நன்னீர்
• Ec- 0.6-1.5 சற்று உப்பான நீர்
• Ec- 1.5- 3 சிறிது உப்பான நீர்
• Ec- 3-8 மிதமான உப்பு நீர்
• Ec- 8-15 உப்பு நீர்
• Ec- 15- 45 அதிகமான உப்பு நீர் 

எவ்வாறு பாதிப்பு ஏற்படுகிறது:

• சவ்வுடுபரவல்- இதனால் பயிர்கள் சுவாசிக்க முடியாமல் குன்றிய வளர்ச்சி மற்றும் மகசூல் பாதிப்பு ஏற்படுகிறது.

• Ion toxicity (சோடியம் மற்றும் குளோரைடு) - ஆக்சிஜனேற்றம் மற்றும் ஊட்டச்சத்துக்கள் கிடைக்கப்பெறும் தன்மையில் மாற்றங்கள் ஏற்படுவதால் செடிகள் பாதிப்படைகிறது.

அறிகுறிகள்:

• உப்பு தன்மை காரணமாக பல ஊட்டச்சத்துக்கள் செடிகளுக்கு கிடைக்கப் பெறுவதில்லை அதில் முக்கியமான ஒன்று கால்சியம்.

• குன்றிய வளர்ச்சி மற்றும் பயிர்களின் இலை பரப்பளவு குறைந்து காணப்படும்.

• செடிகளின் அடிப்பாகத்தில் உள்ள முதிர்ந்த இலைகளில் நுனி கருகள் ஏற்படும்.

• இலையின் விளிம்புகள் மஞ்சள் நிறத்தில் மாறும் பின்னர் கருகி காணப்படும்.

• நாளடைவில் இலைகள் முற்றிலும் மஞ்சளாக மாறி பின்னர் கருகி விடும்.

• செடிகளின் கிளைகள் கருகி பின்னர் நிலத்தில் அங்கங்கே செடிகள் இறந்து காணப்படும்.

• செடிகளின் கிளைகள் கீழிருந்து மேலாக கருதுவதால் பார்ப்பதற்கு தொடப்ப குச்சி போன்று காட்சி அளிக்கும்.

கட்டுப்படுத்தும் முறைகள்:

• பயிர்களின் வேர் வளர்ச்சிக்கு ஏற்றவாறு மண்ணை தேவையான அளவிற்கு மாற்றலாம்.

• போதுமான மணல் மற்றும் மரத் தூள்களை அவ்வப்போது மண்ணில் இடுவதால் உப்பின் தன்மை குறையும்.

• நண்ணீரை வயலில் பாய்ச்சி உப்பு தன்மையை வெளியேற்றலாம்.

• நிலத்தில் வடிகால் வசதியை சீரமைக்க வேண்டும். முடியாத பட்சத்தில் நன்கு மக்கிய தொழு உரம் அல்லது இயற்கை உரங்களை அதிகமாக இட்டு பயிரிடவும்.

• பயிரிடும் போது மேட்டு பாத்திகள் அமைத்து சாகுபடி செய்தால் ஓரளவு உப்புத் தன்மையை தவிர்க்கலாம்.

• கடலோரமாக சாகுபடி செய்யப்படும் இடத்தில் காற்று வீசும் எதிர் திசைக்கு செடிகளை நடவு நடவு செய்வதால் இலைகளில் உப்பு படிவத்தை தவிர்க்கலாம்.

• உப்பு தன்மையை தவிர்த்து/உட்கொள்ளாமை /வெளியேற்றும் தன்மை கொண்ட/தாங்கி வளரக்கூடிய பயிர்களை தேர்வு செய்து பெயரிடலாம்.

• உதாரணத்திற்கு பல்வேறு மரப்பயிர்கள், சோளம், கோதுமை, ஓட்ஸ், கொய்யா, சப்போட்டா, நெல்லி, கொடுக்காப்புளி பார்லி, அஸ்பராகஸ் பீட்ரூட், கேரட் மற்றும் இதர பயிர்கள்.

• மேம்படுத்தப்பட்ட நீர் பாசன முறையை பின்பற்றலாம். நீர் பயன்பாட்டை குறைக்கவும் மண்ணில் உப்பு படிவதை தவிர்த்திடவும் சொட்டு நீர் பாசனம் அமைத்து பயிரிடலாம்.

• மண்ணின் கட்டமைப்பை மாற்றிடவும் கால்சியம் சத்து அளவை அதிகப் படுத்திடவும் ஜிப்சம் இடலாம்.

• சுத்திகரிக்கப்பட்ட நீரை பயன்படுத்துதல் நல்லது மழை நீரை சேகரித்து திறன் பட பயன்படுத்துவதால் தன்மையை தவிர்க்கலாம்.

• பயிர்களுக்கு தேவையான ஊட்டச்சத்தை நீரில் கரையும் உரங்களைக் கொண்டு தெளிப்பதால் உப்பு தன்மையினால் ஏற்படும் அறிகுறிகளை தவிர்க்கலாம்

முந்திரியில் காணப்படும் தேயிலை கொசுவை எவ்வாறு கட்டுப்படுத்தலாம்...

முந்திரியில் தேயிலை கொசு:

  முந்திரியை தாக்கக்கூடிய சாறு உறிஞ்சி பூச்சிகளில் மிக முக்கியமானதாக தேயிலை கொசு கருதப்படுகிறது. இதனால் 40 முதல் 50 சதவீதம் வரை மகசூல் இழப்பு ஏற்படுகிறது. 

  இந்தியாவில் மூன்று வகையான கொசுக்கள் தேயிலையே தாக்கினாலும் தென்னிந்தியாவில் ஹீலோவெல்டிஸ் ஏன்டோனி என்ற கொசுவே பாதிப்பை ஏற்படுத்துகிறது.

பூச்சியின் விவரம்:

முட்டை:

  சிறிய முட்டைகள் தளிர்கள், இலைகள், பூ கொத்துகளின் தண்டுகள் மற்றும் இலைக் காம்புகளில் தனித் தனியாக அல்லது இரண்டு முதல் ஐந்து குழுக்களாக காணப்படும்.

இளம் புழுக்கள்:

  8-10 நாட்களுக்கு பிறகு வெளிவரும் இவை தளிர்கள் மற்றும் இளம் பழங்களை உண்டு செழிப்பாக வளர்கிறது.

வளர்ந்த பூச்சிகள்:

  வெளிர் சிகப்பு முதல் பழுப்பு நிறத்தில் கருப்பு தலையுடனும், முதுகுப் பகுதியில் குமில் போன்ற அமைப்பு காணப்படும். இதன் மொத்த வாழ்நாள் 24- 30 நாட்களாகும்.

அறிகுறிகள்:

• இது சாற்றை உறிஞ்சும் பகுதியில் வெளிர் நிற புண்கள் காணப்படும். நாளடைவில் இது வெளிர் கருப்பு நிறத்தில் மாறும்.

• இலைக்காம்பு மற்றும் இளம் பழங்களிலிருந்து காவி நிற திரவம் வெளிவரும்.

• தயிர் மற்றும் இலைகளில் உள்ள புண்கள் பெரிதாகி, ஒன்றிணைந்து கருகி காணப்படும்.

• பூ மற்றும் பூ கொத்துகளில் ஏற்படும் தாக்குதலால் கருகி பின் கறுகல் நோய் போன்று காணப்படும்.

• பழம் மற்றும் கொட்டைகளில் ஏற்படும் தாக்குதலால் முதிர்ச்சி அடையும் முன்பே உதிரும்.

கட்டுப்படுத்தும் முறைகள்:

• தீவிரமாக தாக்கப்பட்ட பகுதியில் சேகரித்து அழிக்கவும்.

• எதிர்ப்பு திறன் கொண்ட ரகத்தை தேர்வு செய்து பயிரிடலாம்.

• இவ்வகை கொசுக்களுக்கு எதிராக தோட்டக்கலை ஆராய்ச்சி நிறுவனத்தால் தயார் செய்யப்பட்ட beauveria bassiana ஐ அக்டோபர் முதல் டிசம்பர் காலங்களில் தெளிக்கலாம்.

• சிலந்தி, எறும்பு மற்றும் பருத்தி கறை பூச்சிகளின் நடமாட்டத்தை அதிகரிப்பதால் இவ்வகை கொசுக்களை கட்டுப்படுத்தலாம்.

• புங்கம் விதை சாறு அல்லது இலைகளில் இருந்து எடுக்கப்படும் எண்ணெய் தெளிப்பதால் கொசுக்களை அழிக்கலாம்.

• கீழ்க்கண்ட பூச்சிக் கொல்லிகளில் ஏதேனும் ஒன்றை சுழற்சி முறையில் தெளிக்கலாம்.

1. Lambda cyhalothrin- 1.2 ml per lit water

2. Beta cyfluthrin+ Imidacloprid - 1 ml per litre water

3. Buprofezin - 3 ml per lit water 

4. Thiamethoxam - 1 g per litre water

5. Triazophose - 1 ml per lit water

6. Deltamethrin -1.5 ml per lit water